တည့်တည့်ပဲပြောမယ် - ဟန်လေး 11/09

ကုလ အထွေထွေညီလာခံ မြန်မာ့အရေး ဆုံးဖြတ်ချက်ချ

20 November 2009. VOA NEWS.
၆၄ ကြိမ်မြောက် ကုလသမဂ္ဂ အထွေထွေညီလာခံရဲ့ တတိယကော်မတီမှာ မြန်မာနိုင်ငံက လူ့အခွင့်အရေး အခြေအနေတွေ တိုးတက်မှု မရှိတာကြောင့် ဆုံးဖြတ်ချက် မူကြမ်းတရပ်ကို ဥရောပသမဂ္ဂ အဖွဲ့နဲ့ အစ္စရေးနိုင်ငံက ဦးဆောင်ပြီး တင်သွင်းလိုက်ပါတယ်။ အထွေထွေ ညီလာခံရဲ့ တတိယ ကော်မတီမှာ မြန်မာနိုင်ငံရဲ့ လူ့အခွင့်အရေး အခြေအနေတွေနဲ့ ပတ်သက်လို့ အချေအတင် ပြောဆိုခဲ့ကြပြီးတဲ့နောက် အခုနောက်ဆုံး ထောက်ခံမဲ ၉၂ မဲ၊ ကန့်ကွက်မဲ ၂၆ မဲ၊ ကြားနေမဲ ၆၅ နဲ့ ဆုံးဖြတ်ချက် ချမှတ်လိုက်ပါပြီ။

မြန်မာစစ်အစိုးရအပေါ် အစဉ်အလာအတိုင်း ကျောထောက်နောက်ခံ ပေးလေ့ရှိတဲ့ ရုရှားနဲ့ တရုတ်နိုင်ငံတွေ အပါအ၀င် ကန့်ကွက်ခဲ့ကြတဲ့ နိုင်ငံတွေကတော့ ဒီလို တနိုင်ငံချင်း သီးခြား ဆုံးဖြတ်ချက် ချမှတ်တာဟာ မသင့်လျော်ဘူး ဆိုတာကို အဓိက အခြေခံပြီး လက်မခံခဲ့တာ ကို တွေ့ရပါတယ်။ ကုလသမဂ္ဂ အတွင်းရေးမှူးချုပ်ကို မြန်မာနိုင်ငံကို သွားရောက်ခွင့်ပေးခဲ့တာ၊ ပူးပေါင်းဆောင်ရွက်မှုတွေ လုပ်နေတာ တွေကို လျစ်လျူရှုထားတယ် ဆိုပြီးတော့လည်း မြန်မာစစ်အစိုးရ ကိုယ်စားလှယ် အပါအ၀င် ကန့်ကွက်သူတွေက ဆုံးဖြတ်ချက်ချဖို့ကို လက်မခံခဲ့ကြတာလည်း ဖြစ်ပါတယ်။

ဒါပေမဲ့လည်း ဆုံးဖြတ်ချက်ကို ထောက်ခံခဲ့ကြသူတွေကတော့ မြန်မာနိုင်ငံမှာ နိုင်ငံရေးအကျဉ်းသား ၂,၀၀၀ ကျော် ရှိနေတာ၊ မြန်မာ့ဒီမို ကရေစီခေါင်းဆောင် ဒေါ်အောင်ဆန်းစုကြည်ကို ဆက်လက်ဖမ်းဆီးထားတာ၊ အထူးသဖြင့်ကတော့ ရှေ့လာမယ့်နှစ် ရွေးကောက်ပွဲတွေ ကျင်းပမယ့်အချိန်မှာ လွတ်လပ်ပြီး တရားမျှတတဲ့၊ အားလုံး ပါဝင်နိုင်ခွင့် မရှိသေးတဲ့ အခြေအနေတွေကို ထောက်ပြပြီး ဆုံးဖြတ်ချက်ချဖို့ မဲပေးခဲ့ကြတာလည်း ဖြစ်ပါတယ်။

မြန်မာနိုင်ငံကို Global Fund အကူအညီများ ပြန်ပေးမည်

16 November 2009. VOA NEWS.
အေ့ဒ်စ် (AIDS) ရောဂါ၊ ငှက်ဖျားရောဂါ၊ တီဘီ အဆုတ်နာ ရောဂါ ရောဂါသုံးမျိုး တိုက်ဖျက်ရေးအတွက် Global Fund အဖွဲ့ကြီးဟာ မြန်မာနိုင်ငံကို အကူအညီတွေ ပြန်ပေးဖို့ ဆုံးဖြတ်လိုက်ပါပြီ။ ဒါပေမဲ့ အကူအညီတွေ ထိရောက်ဖို့ လက်တွေ့ အသေးစိတ် ဆောင်ရွက် စရာတွေ အတွက်တော့ အာဏာပိုင်တွေနဲ့ ဆက်လက်ညှိနှိုင်း ဆောင်ရွက်စရာတွေ ရှိဦးမယ်လို့ Global Fund အဖွဲ့ တာဝန်ရှိသူတဦးက ဗွီအိုအေကို ပြောပြပါတယ်။

လက်ရှိအားဖြင့်တော့ မြန်မာနိုင်ငံတွင်း ရောဂါသုံးမျိုး တိုက်ဖျက်ရေးအတွက် Global Fund ဟာ ဒေါ်လာ သန်း ၁၁၀ ထောက်ပံ့ ကူညီ သွားဖို့ ရှိပါတယ်။ ရေရှည်အတွက်တော့ ဒေါ်လာ သန်း ၄၀၀ ကျော်အထိ အတည်ပြု လျာထားတယ်လို့ Global Fund အဖွဲ့ကြီးရဲ့ အကြီး တန်း ပြန်ကြားရေးအရာရှိ နာလင်း မာထာ (Nalin Mehta) က ဗွီအိုအေကို ပြောပါတယ်။ ၂၀၀၅ ခုနှစ်ကနေ လုပ်ငန်းတွေ အထောက် အပံ့တွေ ရပ်ဆိုင်းခဲ့တဲ့ Global Fund အဖွဲ့ကြီးအနေနဲ့ မြန်မာနိုင်ငံတွင်း အခြေအနေတွေကိုရော လိုအပ်ချက်တွေပါ ထည့်သွင်းစဉ်းစား သုံးသပ်ပြီး အခုလို အကူအညီတွေ ပြန်ပေးဖို့ ဆုံးဖြတ်ရတာ ဖြစ်တယ်လို့ သူက ပြောပါတယ်။

ဒေါ်အောင်ဆန်းစုကြည်ကို လွှတ်ပေးဖို့ အိုဘားမား တိုက်ရိုက် တောင်းဆို

အမေရိကန်သမ္မတ ဘရက်ခ်အိုဘားမားကို အာဆီယံ၁၀ နိုင်ငံခေါင်းဆောင်များနှင့် အတူတွေ့ရစဉ်။ 15 November 2009. (VOA NEWS.)
နေအိမ်အကျယ်ချုပ် ကျနေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ပြန်လွှတ်ပေးဖို့ အမေရိကန်သမ္မတ ဘရက်ခ် အိုဘားမား (Barack Obama) က မြန်မာစစ်ခေါင်းဆောင်တွေကို ထပ်ပြီး တောင်းဆိုလိုက်ပါတယ်။ ဒါပေမဲ့ ဒီတခါ တောင်းဆိုတဲ့ အချိန် မှာ ထူးခြားတာကတော့ မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန် ကိုယ်တိုင် ရှိနေတဲ့ အစည်းအဝေးခန်းထဲမှာ အမေရိကန် သမ္မတက တောင်းဆိုခဲ့တာပါ။ မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ အမေရိကန်သမ္မတ ဘရက်ခ် အိုဘားမားတို့ဟာ အစည်းအဝေး ခန်းမထဲမှာ သူတို့နှစ်ယောက်ကြားထဲ သုံးယောက်ပဲခြားပြီး ထိုင်နေခဲ့ကြပေမဲ့ တယောက်နဲ့တယောက် စကား တည့်တည့် မပြော၊ လက်ဆွဲ နှုတ်ဆက်တာလည်း မရှိခဲ့ဘူးလို့ စင်ကာပူကလာတဲ့ သတင်းတွေမှာ တွေ့ရပါတယ်။ ဒါပေမဲ့ အာရှ ပစိဖိတ် စီးပွားရေး ပူးပေါင်းဆောင်ရွက်မှုအဖွဲ့ အေးပက် (APEC) ထိပ်သီးအစည်းအဝေး ပြင်ပမှာ အာဆီယံ (ASEAN) အရှေ့တောင်အာရှ နိုင်ငံများအဖွဲ့ ခေါင်းဆောင် ၁၀ ယောက်နဲ့ သီးခြား တွေ့ဆုံဆွေးနွေးတဲ့အချိန်မှာ မစ္စတာအိုဘားမားက တိုက်ရိုက် တောင်းဆိုခဲ့တာပါ။

ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံးကို လွှတ်ပေးပြီး လူနည်းစု လူမျိုးစုတွေအပေါ် ဖိနှိပ်နေတာတွေ ကို အဆုံးသတ်ဖို့ မစ္စတာအိုဘားမားက တောင်းဆိုခဲ့တယ်လို့ အမေရိကန်သမ္မတ အိမ်ဖြူတော် ပြောရေးဆိုခွင့်ရှိသူ ရောဘတ် ဂစ်ဘ်စ် (Robert Gibbs) က သတင်းထောက်တွေကို ပြောခဲ့ပါတယ်။

funny dance

Get Real ! Than Shwe

တွေ့ဆုံဆွေးနွေးမှုမရှိတဲ့ ရွေးကောက်ပွဲ တရားဝင်မဖြစ်နိုင်

ဖိလစ်ပိုင်နိုင်ငံ မနီလာမြို့ သတင်းစာရှင်းလင်းပွဲအတွင်း သတင်းထောက်များနှင့်တွေ့ဆုံနေသည့် အမေရိကန်နိုင်ငံခြားရေးဝန် ကြီး ကလင်တန် (November 2009). VOA NEWS.
မြန်မာစစ်အစိုးရအနေနဲ့ အတိုက်အခံပါတီ၊ တိုင်းရင်းသားလူမျိုးစုတွေနဲ့ တွေ့ဆုံဆွေးနွေးမှုမလုပ်ဘဲ ကျင်းပမယ့် ရွေးကောက်ပွဲဟာ တရားဝင်ရွေးကောက်ပွဲ ဖြစ်မှာမဟုတ်ဘူးလို့ အမေရိကန်နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က သောကြာနေ့မှာ ပြောကြားလိုက်ပါတယ်။ စင်ကာပူနိုင်ငံမှာကျင်းပနေတဲ့ APEC အာရှပစိဖိတ် စီးပွားရေးပူးပေါင်းဆောင်ရေးအဖွဲ့ ထိပ်သီး ညီလာခံကို လာတက်မယ့် သမ္မတ ဘားရက်အိုဘားမား (Barack Obama) နဲ့ မတွေ့ဆုံခင် ဖိလစ်ပိုင်နိုင်ငံ မနီလာမြို့မှာ ၀န်ကြီး ကလင်တန်က ဗွီအိုအေနဲ့ သီးခြားတွေ့ဆုံပြီး အခုလို ပြောကြားလိုက်တာပါ။

မြန်မာစစ်အစိုးရ ကိုယ်စားလှယ်တွေနဲ့ ရှေ့သီတင်းပတ် အစောပိုင်း စင်ကာပူနိုင်ငံမှာ တွေ့ဆုံကြတဲ့အခါ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အပေါ် စစ်အစိုးရက ထိန်းချုပ်ထားတာတွေ လျော့ချပေးရေးအပါအ၀င် ထူးခြားသိသာတဲ့ ပြောင်းလဲမှုတွေ ဖြစ်ပေါ်လာမှာ မဟုတ်ဘူးလို့ အမေရိကန်နိုင်ငံခြားရေးဝန်ကြီး Hillary Clinton က ပြောပါတယ်။ ဒါပေမယ့် တခြားကိစ္စတွေ အပါအ၀င် အမေရိကန်အဆင့်မြင့် သံတမန်နှစ်ဦး မြန်မာနိုင်ငံကို ပြီးခဲ့တဲ့ သွားခဲ့တုန်းက တမူထူးခြားစွာ ကောင်းကောင်းမွန်မွန် ဆက်ဆံလိုက်တာ တွေကို ကြည့်ခြင်းအားဖြင့် မြန်မာနိုင်ငံမှာ ရေရှည် ပြောင်းလဲမှုတွေ ဖြစ်ပေါ်လာဖို့ မျှော်လင့်တယ်လို့ သူက ပြောပါတယ်။

အမေရိကန်ကိုယ်စားလှယ်အဖွဲ့ မြန်မာနိုင်ငံမှာ ရှိနေစဉ်အတွင်း စစ်အစိုးရ အရာရှိတွေတင်မကပဲ ထိန်းသိမ်းခံထားရတဲ့ NLD အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ပါ အကန့်အသတ်မရှိ တွေ့ဆုံခွင့်ရခဲ့ကြတယ်လို့ ဗွီအိုအေနဲ့ ပြုလုပ်တဲ့ မေးမြန်းခန်းမှာ ၀န်ကြီး ကလင်တန်က ပြောပါတယ်။ ဖိလစ်ပိုင်နိုင်ငံ မနီလာမြို့ သတင်းစာ ရှင်းလင်းပွဲအတွင်း သတင်းထောက်များနှင့် တွေ့ဆုံနေသည့် အမေရိကန်နိုင်ငံခြားရေး ၀န်ကြီး ကလင်တန် "ကျမတို့နဲ့ သူတို့အကြားမှာ ပွင့်ပွင့်လင်းလင်း အမြင်ချင်း ဖလှယ်နိုင်ခဲ့ ကြပါတယ်။ ဒုတိယအချက် အနေနဲ့ကတော့ - ကျမတို့ရဲ့ သံတမန် အဖွဲ့ဟာ ဒေါ်အောင်ဆန်းစုကြည်နဲ့ စောင့်ကြည့်ခံရမှုမရှိဘဲ ၂ နာရီ လောက် တွေ့ဆုံခွင့် ရခဲ့တာကလည်း ထူးခြားပြီး အင်မတန် အထောက်အကူပြုတဲ့ အချက်ဖြစ်ပါတယ်၊ နောက်ပြီးတော့ သံတမန်အဖွဲ့ဟာ အတိုက်အခံပါတီနဲ့ တိုင်းရင်းသား ကိုယ်စားလှယ်တွေကို လည်း တွေ့ခွင့်ရခဲ့ကြပါတယ်။ ဒီတွေ့ဆုံမှုတွေဟာ တခြား ကိုယ်စားလှယ် အဖွဲ့ တွေ သွားတဲ့အခါ သတင်းတွေထဲမှာ ကျမတို့ တွေ့နေရသလိုမျိုးမဟုတ်ဘဲ ပိုပြီး ပွင့်လင်း ပြည့်စုံတဲ့ တွေ့ဆုံမှုတွေပါ။"

စင်ကာပူနိုင်ငံမှာ ကျင်းပနေတဲ့ APEC ခေါ် အာရှပစိဖိတ်ဒေသ စီးပွားရေး ပူးပေါင်းဆောင်ရွက်ရေးအဖွဲ့ ထိပ်သီးညီလာခံကို လာတက် နေတဲ့ သမ္မတ အိုဘားမားနဲ့ ၀န်ကြီးကလင်တန် သွားရောက် ပူးပေါင်းတွေ့ဆုံမှာ ဖြစ်ပါတယ်။ အဲဒီစည်းဝေးပွဲ ပြင်ပမှာ တနင်္ဂနွေနေ့ကျရင် ကျင်းပမယ့် အာဆီယံ အရှေ့တောင် အာရှနိုင်ငံများအသင်းနဲ့ ပြုလုပ်တဲ့ စည်းဝေးပွဲကို သမ္မတအိုဘားမားနဲ့ မြန်မာစစ်အစိုးရ၀န်ကြီးချုပ် ဗိုလ်ချုပ်ကြီး သိန်းစိန် တို့လည်း တက်ရောက်ကြမှာ ဖြစ်ပါတယ်။

cloth funny

နိုင်ငံရေး ကာတွန်းများ

မြန်မာနိုင်ငံအခြေအနေ စိုးရိမ်ရကြောင်း ကုလသမဂ္ဂ ကြေညာချက်ထုတ်ပြန်

2009-11-07. RFA. NEWS.
မြန်မာနိုင်ငံမှာ လူ့အခွင့်အရေး အခြေအနေတွေ အခုချိန်ထိ တိုးတက်လာခြင်း မရှိတဲ့အပြင် ဆက်လက် ဆိုးရွားလာမှာကို ကုလသမဂ္ဂက အထူးစိုးရိမ်နေတယ်လို့ ၆၄ ကြိမ်မြောက် ကုလသမဂ္ဂ အထွေထွေညီလာခံက ပြီးခဲ့တဲ့သီတင်းပတ်က ထုတ်ပြန်ကြေညာခဲ့ပါတယ်။

အမေရိကန် သမ္မတ အိုဘားမား မြန်မာစစ်အစိုးရ ၀န်ကြီးချုပ်နဲ့ APEC အစည်းအဝေးပွဲမှာ ဆုံဖွယ်ရှိ

08 November 2009. VOA. NEWS
စင်ကာပူနိုင်ငံမှာ နိုဝင်ဘာလ ၁၅ ရက်နေ့ကျင်းပမယ့် အာဆီယံ-အမေရိကန် ထိပ်သီးဆွေးနွေးပွဲကို အမေရိကန်သမ္မတ ဘားရက်အို ဘားမား တက်ရောက်မှာဖြစ်ပြီး ဒီဆွေးနွေးပွဲကို မြန်မာနိုင်ငံအပါအ၀င် အာဆီယံ ၁၀ နိုင်ငံက ခေါင်းဆောင်တွေ ပါဝင်တက်ရောက်ကြ ဖို့ အမေရိကန်နိုင်ငံက မျှော်လင့်ထားတယ်လို့ အမေရိကန်အရာရှိတွေက ပြောပါတယ်။ အာဆီယံ-အမေရိကန် ထိပ်သီးစည်းဝေးပွဲကို အာရှ ပစိဖိတ် စီးပွားရေး ပူးပေါင်းဆောင်ရွက်ရေး အဖွဲ့ APEC ဘေးပန်း ဆွေးနွေးပွဲအဖြစ်နဲ့ ကျင်းပမှာဖြစ်ပြီး နိုဝင်ဘာလ ၁၄ရက်နဲ့ ၁၅ရက် နေ့ တွေမှာ အမေရိကန်သမ္မတ ဘားရက်အိုဘားမား တက်ရောက်ဖို့ရှိပါတယ်။ အမေရိကန် သမ္မတအနေနဲ့ အာဆီယံ ထိပ်သီးဆွေးနွေးပွဲကို ပထမဆုံးအကြိမ်အဖြစ် တက်ရောက်မှာလည်း ဖြစ်ပါတယ်။ အာဆီယံအဖွဲ့ဝင် နိုင်ငံတနိုင်ငံဖြစ်တဲ့ မြန်မာနိုင်ငံက ၀န်ကြီးချုပ် ဗိုလ်ချုပ်ကြီး သိန်းစိန်လည်း ဒီဆွေးနွေးပွဲကို တက်ရောက်လာဖို့ မျှော်လင့်ထားပါတယ်။

စနေနေ့ကတော့ ဖိလစ်ပိုင်က အကြီးတန်း မြန်မာသံအရာရှိ ဦးမင်းလွင်က ဒီ (၃၂) ကြိမ်မြောက် အာဆီယံ-အမေရိကန် ဆွေးနွေးပွဲကို ၀န်ကြီးချုပ် ဗိုလ်ချုပ်ကြီး သိန်းစိန် တက်ရောက်ဖို့ ရှိတယ်လို့ ပြောကြားခဲ့ကြောင်း အေပီ သတင်းမှာ ဖော်ပြထားပါတယ်။ မြန်မာဝန်ကြီးချုပ် ဗိုလ်ချုပ်ကြီး သိန်းစိန် လာရောက်ခဲ့ရင် ဒါဟာ အမေရိကန်နဲ့ မြန်မာ နှစ်နိုင်ငံကြား ဆယ်စုနှစ်ပေါင်းများစွာအတွင်း အဆင်မြင့်ဆုံး ပုဂ္ဂိုလ် တွေရဲ့ ပထမဆုံး တိုက်ရိုက်တွေ့ဆုံမှု ဖြစ်လာမှာပါ။

မဲခေါင်ဒေသဖွံ့ဖြိုးရေး ဂျပန်နိုင်ငံ ဒေါ်လာကုဋေ ၅၅၀ ထောက်ပံ့မည်

07 November 2009. VOA NEWS.
အရှေ့တောင်အာရှ မဲခေါင်ဒေသ အတွက်နောင် ၃ နှစ်အတွင်းမှာ ဒေါ်လာသန်းပေါင်း ၅,၅၀၀ အကူအညီ ပေးမယ်လို့ ဂျပန်နိုင်ငံက ကတိ က၀တ်ပြုလိုက်ပါတယ်။ ထိုင်း၊ ကမ္ဘောဒီးယား၊ ဗီယက်နမ်၊ လာအို နဲ့ မြန်မာခေါင်းဆောင်တွေ နဲ့ မဲခေါင်ဒေသ ထိပ်သီး အစည်းအဝေး မှာ ၀န်ကြီးချုပ် ယူကီအို ဟာတိုယားမား (Yukio Hatoyama) က ခုလို ကြေညာလိုက်တာပါ။ မဲခေါင်ဒေသကို အကူအညီပေးရာမှာ ဂျပန် ဟာ အကြီးမားဆုံး အကူအညီပေးတဲ့ နိုင်ငံ ဖြစ်ပါတယ်။ မဲခေါင်ဒေသ ဟာ မိုင်ပေါင်း ၂,၈၀၀ ကျော် ရှည်လျားပြီး၊ စစ်ဒဏ် နဲ့ ပြည်တွင်းရေး မငြိမ်သက်မှု ဒဏ်တွေကို နှစ်ပေါင်းများစွာ ခံစားခဲ့ရတဲ့ဒေသ ဖြစ်ပါတယ်။ တရုတ်နိုင်ငံ ကလည်း ဒီဒေသမှာ ရင်းနှီးမြှုပ်နှံမှုကို တိုးမြှင့် ဆောင်ရွက်ခဲ့ပါတယ်။ ဒီလို ဆောင်ရွက်ခဲ့တဲ့ အထဲမှာ လာအို နဲ့ မြန်မာနိုင်ငံမှာ မြှုပ်နှံခဲ့တဲ့ မိုင်း နဲ့ ရာဘာစိုက်ခင်းတွေ လည်း ပါဝင်ပါ တယ်။ တရုတ်နိုင်ငံ ရဲ့ သြဇာက ဒီဒေသတွင်းမှာ ကြီးမားလာပေမဲ့လည်း၊ တရုတ် နဲ့ ယှဉ်ပြိုင်နေတာ မဟုတ်ပါဘူး လို့ ဂျပန်နိုင်ငံ က တော့ ဆိုပါတယ်။ ဒီ ၂ ရက်ကြာ ထိပ်သီး အစည်းအဝေးမှာ ကမ္ဘာ့ ရာသီဥတု အပြောင်းအလဲ ကို အဓိကထားပြီး ဆွေးနွေးမှာ ဖြစ်သလို၊ မဲခေါင်ဒေသတွင်း နိုင်ငံတွေကြား ဖြစ်တဲ့ ပဋိပက္ခတွေကိုလည်း ဆွေးနွေးလိမ့်မယ်လို့ မျှော်လင့်ထားကြပါတယ်။


အီးမေးလ် ပုံနှိပ်ရန်

အမေရိကန် ကိုယ်စားလှယ်အဖွဲ့နှင့် ဒေါ်အောင်ဆန်းစုကြည်၊ NLD ၊ တိုင်းရင်းသား ခေါင်းဆောင်များ တွေ့ဆုံ

2009-11-04. RFA NEWS.
အရှေ့အာရှနဲ့ ပစိဖိတ်ရေးရာ အမေရိကန် လက်ထောက်နိုင်ငံခြားရေးဝန်ကြီး မင်္စတာ Kurt Campbell ဦးဆောင်တဲ့ အမေရိကန် အဆင့်မြင့် ကိုယ်စားလှယ်အဖွဲ့ဟာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့နိုဝင်ဘာ ၄ ရက် ဒီကနေ့မနက်ပိုင်း ၁၁ နာရီ မိနစ် ၄၀ ကနေ ၁ နာရီ မိနစ် ၄၀ အထိ ရန်ကုန်မြို့အင်းယားကန် ဟိုတယ်မှာ ၂ နာရီကြာ တွေ့ဆုံခဲ့ပါတယ်။ တွေ့ဆုံပွဲအပြီးမှာ သတင်းထောက်တွေကို ဓာတ်ပုံရိုက်ခွင့် ပေးခဲ့ပြီး၊ ဒေါ်အောင်ဆန်းစုကြည်ကို ကျန်းကျန်းမာမာ မြင်တွေ့ခဲ့ရတယ်လို့ သတင်းထောက် တွေက ပြောပါတယ်။

တရုတ် ရေနံကုမ္ပဏီ မြန်မာ ဓာတ်ငွေ့ပိုက်လိုင်း စတင်ဖောက်လုပ်

04 November 2009. VOA. NEWS.
အရှေ့အလယ်ပိုင်းဒေသက တရုတ်က ၀ယ်ယူတဲ့ ရေနံတွေ၊ မြန်မာနိုင်ငံ ရွှေသဘာဝ ဓာတ်ငွေ့သိုက်နဲ့ အာဖရိကတိုက်က ၀ယ်ယူတဲ့ တရုတ်ရဲ့ သဘာဝဓာတ်ငွေ့တွေကို မြန်မာနိုင်ငံကတဆင့် ပိုက်လိုင်းသွယ်ပြီး တရုတ်ပြည်ကို တင်ပို့ရေးအတွက် အဲဒီပိုက်လိုင်း မြန်မာ နိုင်ငံမှာ တည်ဆောက်ရေး စတင်လိုက်ပြီလို့ အင်္ဂါနေ့က တရုတ်အစိုးရပိုင် National Petroleum Corporation က ကြေညာလိုက်ပါတယ်။
အိန္ဒိယသမုဒ္ဒရာထဲက မြန်မာပိုင် မဒေးကျွန်းပေါ်မှာ ဒီပိုက်လိုင်း တည်ဆောက်ရေးကို တနင်္လာနေ့က စတင်တာလို့ တရုတ်အရာရှိတွေက ပြောပါတယ်။ ဒီပိုက်လိုင်းဟာ မြန်မာနိုင်ငံ အလယ်ပိုင်းကို ဖြတ်သန်းပြီး တရုတ်နိုင်ငံ အနောက်တောင်ပိုင်း ယူနန်ပြည်နယ်ကို ဆက်သွယ် မှာ ဖြစ်ပါတယ်။

ဒီပိုက်လိုင်းကြီးကို ဘယ်အချိန်မှာ စပြီး အသုံးပြုမယ် ဆိုတာကိုတော့ တရုတ်အရာရှိတွေက ပြောဆိုခြင်း မရှိပေမဲ့ တနှစ်ကို ရေနံ စည် ပေါင်း ၈၄ သန်း ပမာဏကို ဒီပိုက်လိုင်းကြီးကနေ ပို့လွှတ်နိုင်မှာ ဖြစ်တယ်လို့ တရုတ်တွေက ပြောကြားကြပါတယ်။ ဒီပိုက်လိုင်းကြီး တည် ဆောက်ရေးကြောင့် ပိုက်လိုင်းကြီး ဖြတ်သန်းသွားရာ ဒေသခံ လူထုတွေကို အတိဒုက္ခ ရောက်စေမှာ ဖြစ်ပြီး မြန်မာစစ်အစိုးရကတော့ လာမယ့် နှစ် ၃၀ အတွင်း အမေရိကန်ဒေါ်လာ သန်းပေါင်း ၂၉,၀၀၀ ကို ရရှိသွားစေမှာ ဖြစ်တယ်လို့ လူ့အခွင့်အရေး အဖွဲ့အစည်းတွေက ကန့်ကွက် ပြောကြားနေကြပါတယ်။

မြန်မာစစ်အစိုးရ ခိုင်မာတဲ့ နိုင်ငံရေး ခြေလှမ်းတွေ လှမ်းဖို့ အမေရိကန် ထိပ်တန်းသံတမန် တိုက်တွန်း

နိုဝင်ဘာ ၄၊ ၂၀၀၉။ မစ္စတာကာ့တ်ကမ်းဘဲလ် မြန်မာနိုင်ငံမှ ပြန်လည်မထွက်ခွာမီ ရန်ကုန်လေဆိပ်တွင် သတင်းစာရှင်းလင်းပွဲ ပြုလုပ်နေစဉ်။ VOA NEWS.

မြန်မာနိုင်ငံအပေါ် မူဝါဒသစ်တွေ ကျင့်သုံးဖို့ ပြင်ဆင်နေတဲ့ အမေရိကန်ပြည်ထောင်စုက အဆင့်မြင့် သံတမန်တွေရဲ့ခရီးစဉ် မနေ့တုန်းက
အဆုံးသတ်ခဲ့တဲ့ နေရာမှာ မြန်မာ့နိုင်ငံရေး အသိုင်းအ၀န်းက သက်ဆိုင်သူ အတော်များများနဲ့ ကျယ်ကျယ်ပြန့်ပြန့် တွေ့ဆုံခွင့် ရခဲ့တယ်လို့ ခရီးစဉ်ကို ဦးဆောင်သူ လက်ထောက်နိုင်ငံခြားရေးဝန်ကြီးက ပြောပါတယ်။ အဆင့်မြင့်သံတမန် ဆက်ဆံမှုတွေ မရှိခဲ့တာ ဆယ်စုနှစ် တခုနီးပါး ရှိနေရာက အခုလို စတင်ဆက်သွယ်မှုတွေ ရှိလာနေပေမဲ့လည်း ဒီထက်ပို တိုးတက်တဲ့ ဆက်ဆံရေးတွေ ဖြစ်ဖို့အတွက်ကတော့ စစ်အစိုးရဘက်က နောက်ထပ်ဆောင်ရွက်ဖို့ လိုနေသေးတဲ့ အကြောင်းလည်း သူက ပြောခဲ့ပါတယ်။ အမေရိကန် နိုင်ငံခြားရေးဝန်ကြီး ဌာန အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) နဲ့ သူ့ရဲ့လက်ထောက်တဦး
ဖြစ်တဲ့ စကော့ မာဆီယယ် (Scot Marciel) တို့ ဦးဆောင်ပြီး သွားရောက်ခဲ့တဲ့ခရီးစဉ်အတွင်းမှာတော့ ဖမ်းဆီးခံနေရတဲ့ မြန်မာ့ဒီမိုကရေစီ
ခေါင်းဆောင် ဒေါ်အောင်ဆန်းစုကြည် အနေနဲ့ နိုင်ငံရေးအရ ပိုမိုဆောင်ရွက်ခွင့် ရစေဖို့ကိုလည်း တိုက်တွန်းခဲ့တာ ဖြစ်ပါတယ်။ အမျိုးသား ပြန်လည်သင့်မြတ်ရေးကို ရည်ရွယ်တဲ့ ဆွေးနွေးပြောဆိုမှုတွေ ဖြစ်ပေါ်စေဖို့ ဒီလိုလုပ်ဆောင်ဖို့ လိုအပ်တဲ့အကြောင်း ခရီးစဉ်အဆုံး ပြုလုပ် တဲ့ သတင်းစာရှင်းလင်းပွဲမှာ လက်ထောက် နိုင်ငံခြားရေးဝန်ကြီးက ပြောခဲ့တာပါ။

“ဒီလို ဆွေးနွေးပြောဆိုမှုမျိုးက အမျိုးသား ပြန်လည်သင့်မြတ်ရေးနဲ့ မြန်မာနိုင်ငံထဲက နိုင်ငံရေး လုပ်ငန်းစဉ်မှာ အားလုံးပါဝင်နိုင်တဲ့ အခြေအနေကို ဖြစ်ပေါ်စေပါလိမ့်မယ်။ ဒီအခြေအနေကို ဦးတည်စေဖို့အတွက် ဒေါ်အောင်ဆန်းစုကြည် အနေနဲ့ သက်ဆိုင်သူ ပုဂ္ဂိုလ်တွေ၊ အထူးသဖြင့်ကတော့ သူ့ပါတီက ဗဟိုအလုပ်အမှုဆောင်တွေနဲ့ မကြာခဏ ထိတွေ့ဆက်ဆံမှုတွေ လုပ်ဆောင်နိုင်အောင် မြန်မာစစ်အစိုးရက ခွင့်ပေးဖို့အတွက်လည်း ကျနော်တို့ တောင်းဆိုခဲ့ပါတယ်။” လက်ထောက် နိုင်ငံခြားရေးဝန်ကြီးက တောင်းဆိုထားတဲ့ အတိုင်း ဒေါ်အောင်ဆန်းစုကြည်ကို အာဏာပိုင်တွေက သူ့ရဲ့ အမျိုးသားဒီမိုကရေစီအဖွဲ့ချုပ် (NLD) ပါတီဗဟိုအလုပ်အမှုဆောင်အဖွဲ့ဝင်
တွေနဲ့ မနေ့တုန်းက တွေ့ဆုံခွင့်ပြုပေမဲ့ ဒီအထဲမှာ ပါတီ ဒု-ဥက္ကဋ္ဌလည်းဖြစ်၊ သူ့လိုပဲ နေအိမ်မှာအကျယ်ချုပ် ဖမ်းဆီးခံနေရတဲ့ ဦးတင်ဦး
မပါဝင်တဲ့အတွက် ငြင်းဆန်ခဲ့တယ်လို့ စစ်အစိုးရပိုင် သတင်းတွေက ဖော်ပြခဲ့ပါတယ်။ NLD ပါတီ အတွင်းရေးမှူးဖြစ်တဲ့ ဦးဝင်းတင် ကတော့ ဒေါ်အောင်ဆန်းစုကြည်ရဲ့ ရပ်တည်ချက်ဟာ နည်းလမ်းကျတယ်လို့ ဆိုပါတယ်။

“ကျနော့်သဘော ပြောရရင် ကျနော်က ဒေါ်စုနဲ့ မတွေ့တာလည်း နှစ်ပေါင်း ၂၀ ကျော်ပြီ။ ကျနော် အကြာဆုံးပေါ့ဗျာ၊ မတွေ့တဲ့လူထဲမှာ။ ဦးတင်ဦးနဲ့လည်း နှစ်ပေါင်း ၂၀ ကျော်ပြီ၊ မတွေ့ရဘူး။ အဲတော့ ဒီပုဂ္ဂိုလ် ၂ ယောက်နဲ့ ကျနော် မတွေ့လိုက်ရတဲ့ အတွက်တော့ ကျနော့် အဖို့ကတော့ အများကြီးကို စိတ်မကောင်းဖြစ်စရာ ကိစ္စပဲ။ သို့သော် ဒေါ်စုလုပ်တာ Morally မှန်တယ်ဗျ၊ ဒီလိုလုပ်ရမယ်။ “ဆိုပါတော့ဗျာ၊ NLD မှာ ကျနော်နဲ့ ဦးခင်မောင်ဆွေဆိုရင် စစ်အစိုးရက တရားဝင် CEC မဟုတ်ဘူးဆိုပြီး အမြဲတမ်း ပယ်ပယ်ချတယ်။ ဂမ်ဘာရီနဲ့ ခေါ် တယ်၊ ကျနော်တို့ မပါဘူး။ မစ္စတာဘန်ကီမွန်းနဲ့ တွေ့တယ်၊ ကျနော်တို့ မပါဘူး။ ဂျင်မ်ဝက်ဘ်နဲ့ တွေ့တယ်၊ ကျနော်တို့ မပါဘူး။ ကျနော် တို့ စစ်အစိုးရလုပ်တိုင်း ခံခဲ့ရတာတွေ အများကြီးရှိတယ်။ နေရာတိုင်းမှာ ကျနော်က ငုံ့မခံနိုင်ဘူး။ သည်းညည်းခံတာက တမျိုးဗျာ၊ ငုံ့မခံနိုင်ဘူး။ ဒေါ်စုလုပ်တာ ကျနော် ထောက်ခံတယ်။ ဒါ နည်းကိုယူရမယ့်ကိစ္စ ဖြစ်တယ်လို့ ကျနော် ပြောချင်တယ်။”

မြန်မာနိုင်ငံမှာ လူ့အခွင့်အရေးရှိဖို့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံး ပြန်လွှတ်ပေးဖို့၊ ဒီမိုကရေစီ ပြုပြင်ပြောင်းလဲရေးတွေ ဖြစ်ပေါ်ဖို့ စတာတွေအတွက် အမေရိကန် ပြည်ထောင်စုက ပြင်းပြင်းထန်ထန် ထောက်ခံကြောင်း ပြသဖို့ ဒီခရီးစဉ်က ရည်ရွယ်ထားကြောင်းလည်း လက်ထောက် နိုင်ငံခြားရေးဝန်ကြီးက ခရီးစဉ်အဆုံးမှာ ကြေညာချက်တစောင် ထုတ်ြပန် ပြောဆိုခဲ့တာပါ။ ဒါပေမဲ့လည်း ဒီလို အမေရိကန် ပြည်ထောင်စုဘက်က မျှော်လင့်ထားသလို၊ လိုလားသလို စစ်အစိုးရဘက်က လိုက်နာ ဆောင်ရွက်လာပါ့မလား ဆိုတာတွေကိုတော့ သံသယတွေ ရှိနေတာပါ။ အထူးသဖြင့်ကတော့ ထောင်ဂဏန်းချီရှိတဲ့ နိုင်ငံရေး အကျဉ်း သားတွေကို ဆက်လက် ဖမ်းဆီးထားဆဲ ဖြစ်သလို အတိုက်အခံ တက်ကြွလှုပ်ရှားသူတွေကို ဖမ်းဆီးမှုတွေကလည်း မရပ်မနား ဖြစ်နေဆဲ မို့ အမေရိကန်ရဲ့ အားထုတ်မှုတွေ အရာမရောက် ဖြစ်နိုင်တယ်လို့ နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးဖြစ်တဲ့ Amnesty International အဖွဲ့ရဲ့ မြန်မာနိုင်ငံဆိုင်ရာ သုတေသီ ဘန်ဂျမင် ဇာဝက်ကီး (Benjamin Zawacki) က ဆိုပါတယ်။

“ဒါက အခု ကြိုးပမ်းအားထုတ်မှုတွေကို ထိခိုက်နိုင်တဲ့ တကယ့်ကို စိုးရိမ်စရာ ကိစ္စပါ။ အမေရိကန် မူဝါဒ ပြန်လည်သုံးသပ်ချက် ရလဒ်တွေ ကို ကြေညာလိုက်ချိန်က စလို့ နိုင်ငံရေးအကျဉ်းသား ပြန်လွှတ်ပေးလိုက်တာ ၁၂၈ ယောက်ရှိပါတယ်။ ဒါပေမဲ့လည်း တကယ်တမ်း အဖမ်း ခံထားရတဲ့သူ ၂,၁၀၀ ကျော် ရှိနေတဲ့ အခြေအနေမှာတော့ ဒါဟာ ရေပေါက်လေး တပေါက်လောက်သာ ရှိပါတယ်။ ပြီးခဲ့တဲ့ တပတ်တည်း မှာလည်း လူ ၅၀ လောက်ကို လမ်းတွေပေါ်မှာ သိမ်းကျုံးဖမ်းဆီးပြီး ထောင်ချလိုက်တာလည်း ရှိပါသေးတယ်။” လက်ထောက်နိုင်ငံခြား ရေးဝန်ကြီး ကမ်းဘဲလ်ကတော့ အမေရိကန်အနေနဲ့ နှစ်နိုင်ငံကြား ဆက်ဆံရေးတွေမှာ တိုးတက်စေဖို့ ခြေလှမ်းတွေ လှမ်းဖို့ ပြင်ဆင်ထား တဲ့အကြောင်း၊ ဒါပေမဲ့လည်း ဒီကိစ္စတွေကို တဆင့်ချင်း လုပ်သွားမှာ ဖြစ်သလို မြန်မာစစ်အစိုးရဘက်က အပြန်အလှန် တုံ့ပြန်ဆောင်ရွက် မှုတွေ၊ ခိုင်မာတဲ့ ကြိုးပမ်းမှုတွေ အပေါ်မှာ မူတည်မယ့်အကြောင်းလည်း ပြောခဲ့တာပါ။ လူ့အခွင့်အရေး ချိုးဖောက်မှုတွေကြောင့် မြန်မာ စစ်အစိုးရအပေါ် ပိတ်ဆို့ဒဏ်ခတ် အရေးယူမှုတွေ ချမှတ်ထားတဲ့ အမေရိကန်အစိုးရ အနေနဲ့ မြန်မာစစ်အစိုးရဘက်က နိုင်ငံရေးအရ တိုးတက်မှုတွေ လုပ်ဆောင်လာမယ်ဆိုရင် စီးပွားရေး ရင်းနှီးမြှုပ်နှံမှုတွေ လုပ်ဆောင်တဲ့အထိ ဆက်ဆံရေးတွေကို တိုးမြှင့်သွားနိုင်တဲ့ အကြောင်း နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကလည်း ဒီနှစ်ထဲတုန်းက သူ့ရဲ့ အရှေ့တောင်အာရှ ခရီးစဉ် အတွင်းမှာ ပြောခဲ့တာဖြစ်ပါတယ်။ ဒါပေမဲ့လည်း ဆက်ဆံမှုတွေ ဒီလိုအဆင့်အထိ ရောက်ဖို့ကတော့ မြန်မာစစ်အစိုးရဘက်က သိသာတဲ့ ပြုပြင်ပြောင်းလဲမှုတွေ ရှိဖို့လိုတယ်၊ လတ်တလောမှာတော့ အရေးယူဒဏ်ခတ်မှုတွေ ဆက်လက်ထားရှိရင်း အခြေအနေတွေကို စောင့် ကြည့်သွားဦးမှာ ဖြစ်တယ်လို့လည်း အမေရိကန် နိုင်ငံခြားရေး ၀န်ကြီးဌာနက မနေ့တုန်းကပဲ ပြောဆိုခဲ့ပါသေးတယ်။