သီတဂူဆရာတော်ကြီး အရေးပေါ်။

အရေးပေါ်
လျပ်တပြက်
၂၇-၉-၂၀၁၀ ညနေပိုင်း သီတဂူ ဆရာတော်ကြီး အမှူးရှိသော သီတဂူကပ္ပိယ (အောက်မြန်မာပြည်) အဖွဲ့တို့ လျပ်တပြက် အစည်းဝေးတစ်ရပ် ကျင်းပသည်။ သီးတဂူ ဆရာတော်ကြီးသည် အင်ဒိုနီးရှား ဘုရားထီးတင်ပွဲနှင့် သံဃာ တစ်ထောင်ကျော် သံဃာ့ အစည်းအရုံးကြီး အတွက် ထိုင်း လာအို ကမ္ဗောဒီယားနှင့် သီရိလင်္ကာ နိုင်ငံစသော ဗုဒ္ဓဘာသာ နိုင်ငံများမှ အထင်ကရ ဆရာတော်ကြီး များအား ပင့်ဖိတ်ရန် ကြွရောက်ခဲ့စဉ် အရေးပေါ် အကြောင်းတစ်ရပ် ပေါ်လာပါသည်၊ ထိုအရေးပေါ်နှင့်ပတ်သက်ပြီး အောက်မြန်မာရှိ ကပ္ပိယအဖွဲ့ များအား ဆင့်ခေါ်ကာ နောက်လ ၁၆ ရက်နေ့ မန္တလေးမြို့ အကျဉ်းထောင်ရှိ လူပေါင်း ၆၀၀၀ (ခြောင်ထောင်) ကျော်အား အင်းစိန်ထောင်မှာ အလှူအတန်းပြုသလို မေတ္တာ ကရုဏာတော် အလှူလုပ်မည့် အကြောင်း၊ သီတဂူ သာသနာပြုအဖွဲ့ကြီး သာသနာတော် အတွက် အလုပ်လုပ်ရာ အနှစ် ၃၀ ခရီးပင် ရောက်ရှိကြောင်းနှင့် ယခုဆက်လက်ပြီး တိုးချဲ့မည့် လုပ်ငန်းစဉ်များနှင့် အရေးပေါ် ကယ်ဆယ်ရေး အကြောင်းများနှင့် ပတ်သက်ပြီး အစည်းဝေးတစ်ရပ် ကျင်းပသည်။

အရေးပေါ်
ယခု လောလောဆယ် အရေးပေါ် ကယ်ဆယ်ရေး ဟူသည်မှာ သီရိလင်္ကာတွင် ဒုက္ခရောက် နေကြသော မြန်မာ သာမဏေများ၊ သီလရှင်ဆရာလေးများနှင့် ကျောင်းသားများကို မြန်မာနိုင်ငံ ပြန်လည်ပြီး မိဘ ဆွေမျိုးများနှင့် တွေ့နိုင်အောင် လေယာဉ်စရိတ် နှင့်စားစရိတ် လမ်းခရီး ချောချောမွေ့မွေ့နှင့် အမိမြေသို့ ပြန်လာနိုင်အောင် ကယ်ဆယ်ဘို့ပင် ဖြစ်ပါသည်။ ထိုမြန်မာကလေးများကို သီဟိုဠ်နိုင်ငံသား ဒေါက်တာ စန္ဒိမာက မြန်မာပြည်မှ ဧရာဝတီ နာဂစ်မုန်တိုင်းကြောင့် မိဘမဲ့များဟု အမည်တပ်ကာ ခေါ်ဆောင် သွားခြင်းဖြစ်သည်။ တကယ်တော့ ထိုကလေးများသည် ဧရာဝတီက နာဂစ်ဒေသက မဟုတ်သည့်အပြင် မိဘမဲ့ ကလေးများလည်း မဟုတ်ကြပါ။ ထို သီဟိုဠ်သား ဒေါက်တာ စန္ဒိမာသည် ထိုင်ဝမ်းနိုင်ငံ တွင်နေထိုင်ကာ မြန်မာနိုင်ငံ နာဂစ် ဒုက္ခသည်များအား ကယ်ဆယ်မည်ဟု ထိုင်ဝမ်နိုင်ငံရှိ တရုပ်တွေအား စည်းရုံးကာ အလှူခံသည်။ ကလေး တစ်ယောက်စာ အတွက် တစ်လ အမေရိကန် ဒေါ်လာ ၃၅ နှုံးဖြင့် အလှူခံသည်ဟု သိရသည်။

မျောက်ပြ ဆန်တောင်း
ထိုဒေါက်တာကြီးသည် မြန်မာနိုင်ငံမှ ကိုရင် သီလရှင် ကျောင်းသား ၁၀၀ ကျော်တို့အား ကွန်ပြူတာ အင်္ဂလိပ်စာနှင့် ကျောင်းပညာရေးများ သင်ကြားမှု၌ ကူညီမည်ဆိုကာ သီရိလင်္ကာနိုင်ငံသို့ ခေါ်ဆောင် သွားသည်။ ထိုကလေးများ အတွက်လည်း ထိုင်ဝမ်ရှိ တရုပ်လူမျိုးများအား အလှူခံသည်။ ထိုကလေးများသည် သီရိလင်္ကာသို့ ရောက်သွားသောအခါ သူတို့ထင်ထားသလို မဟုတ်ဘဲ သူတို့ကို စာသင်မပေး အ၀တ်အစား မပေး မြို့နဲ့ဝေးရာ တောရွာလေး များဆီသို့ ခွဲထားကာ နေရာချထားပေးသည်။ မြန်မာပညာသင် ရဟန်းတော် များနှင့် ဝေးရာသို့ ပို့ထားသည်ဟို သိရသည်။ ထိုအထဲအတွင် အရွယ်ရောက် အမျိုးသမီးလေးများ လဲပါနေသည်။ သူတို့လေးတွေရဲ့ သီဟိုဠ်ရှိ မြန်မာသံအမတ်ထံ ပေးစာနှင့် သူတို့မိဘများထံ ပေးစာများကို ဖတ်ပြီး စိတ်မကောင်းဖြစ်ကာ မျက်ရည်များတောင် ကျမိပါသည်။ သူတို့သည် ဘာကိုမှ မငဲ့ကွက်ဘဲ ပညာရေး တစ်ခုကိုသာ အလေးထားပြီး လိုက်သွားကြောင်း၊ ဟိုရောက်တော့ စာလည်း သင်မပေး၊ ၀တ်စရာ၊ ဆပ်ပြာ စသော အသုံးအဆောင်က အစ ကိုယ့်ဘာသာ ၀ယ်ယူရကြောင်း၊ အလုပ်ကြမ်းများ လုပ်ရကြောင်းနှင့် မိန်းကလေးများအတွက် လုံခြုံမှုမရှိကြောင်း တို့ကို ရေးထားသည်၊ ပြီးတော့ သူတို့ကို အမြန်ဆုံး မြန်မာပြည် ပြန်ရောက်အောင် ပို့ပေးရန် အသနားခံ ထားသည်။ သူတို့လေးတွေကို ကွန်ပျူတာရှေ့တွင် ထိုင်စေကာ ဓာတ်ပုံများရိုက်ပြီး ကွန်ပျူတာများ သင်ပေးနေသည်ဟု ဟန်ပြကာ ၀က်ဘ်ဆိုက် များပေါ်တွင် တင်ကာ အလှူခံသည်။ သူတို့ဘ၀အကြောင်းကို အင်တာနတ် စာမျက်နှာပေါ်တွင် လွန်ခဲ့သော လများစွာကထဲက တွေ့ဖူးပြီးသား ဖြစ်ကြပါလိမ့်မည်။

ဝိုင်းဝန်းကူညီ
ထိုကဲသို့သော အခက်အခဲ ကြုံနေရသော မြန်မာကလေးများကို သီရိလင်္ကာတွင် ပညာသင်ကြား နေကြသော ရဟန်းတော်များ အဖွဲ့နှင့် မြန်မာသံအမတ်ကြီးတို့ ပူးပေါင်းကာ သူတို့လေးတွေရဲ့ စာရင်းများရယူကာ သူတို့၏ အခက်အခဲများကို စုံစမ်းပြီး ကယ်ဆယ်ဖို့ ကြိုးစားနေကြသည်မှာ လပင် အတော်ကြာပြီ။ နောက်လ ၁၀ လပိုင်းဆိုရင် ကလေးတွေရဲ့ သီဟိုဠ်ဘ၀သည် ၁ နှစ်ပြည့်ပြီဖြစ်ပါသည်။ သီဟိုဠ်ရှိ မြန်မာစာသင်သားများနှင့် သံအမတ်ကြီး တို့ကလည်း မြန်မာနိုင်ငံရှိ သာသနာရေးဝန်ကြီးဌာန၊ လူမှုဝန်ထမ်း၊ နိုင်ငံခြားရေး ၀န်ကြီးဌာနနှင့် ပြည်ထဲရေးဌာန တို့သို့ အကြောင်းကြားထား ပါသော်လည်း တုန့်ပြန်မှုကား ရောက်မလာသေးဟု သိရပါသည်။ ထိုအခက်အခဲများကို သီတဂူ ဆရာတော်ကြီးအား လျှောက်ထားရာဝယ် ဆရာတော်ကြီးသည် ချက်ချင်းပင် သံအမတ်ကြီးနှင့် သီဟိုဠ်သံဃာ့ရာဇာတို့ တိုင်ပင်ကာ ကလေးတွေရဲ့ ပတ်စပို့များကို ရအောင်ယူနိုင်ခဲ့သည်။ သီတဂူ ဆရာတော်ကြီးသည် ဘယ်ဌာနကမှ မကယ်နိုင်လျှင် သူကယ်မယ်ဟု သံအမတ်ကြီးအား အားမခံခဲ့သည်။ ထိုအကြောင်းအရာနှင့် ပတ်သက်ပြီး သီတဂူ ကပ္ပိယများအား ဆင့်ခေါ်ကာ သူတို့လေးတွေကို ကယ်ဖို့ရန် ၂၇-၉-၂၀၁၀ နေ့က တိုင်ပင်ဆွေးနေသည်။ သီတဂူသာသပြု အဖွဲ့၏ ကရုဏာ အလှူတစ်ခုဟု သက်မှတ်ကာ သီတဂူ သာသနာပြုအဖွဲ့မှ ထိုကလေးငယ် များအတွက် လေယာဉ် လက်မှတ်ဝယ်ရန် အလှူငွေများ စုစည်းရသည်။ လောလောဆယ် ကိုရင် ၁၂ပါးနှင့် သီလရှင်ဆရာလေး ၂၄ ပါး စုစုပေါင်း ၃၆ပါးတို့ကို ဦးစွာကယ်တင်မည်။ ထိုကလေးများကို သီတဂူသာသနာပြုအဖွဲ့က လမ်းစရိတ်နှင့် ပြန်နိုင်ဖို့ စီစဉ်ပေးခြင်းဖြစ်သည်၊ ခေါ်ထုတ်သွားခြင်းမျိုးမဟုတ်ဘဲ သူတို့လေးတွေရဲ့ အသနားခံစာ များကြောင့်သာ ကယ်တင် ရခြင်းဖြစ်သည်။ သူတို့လေးတွေ သံအမတ်ထံနှင့် မိဘများထံရေးသော စာများနှင့် သူတို့လေး ပြောပြသော အသံဖိုင်များ၊ သီတဂူ ဆရာတော်ကြီးထံ ရေးသော စာများကိုလည်း ဖတ်ရသဖြင့် အတော် စိတ်မကောင်း ဖြစ်မိသည်၊ ကိုယ့်လူမျိုးကို ကိုယ်လူမျိုးကမှ မကယ်နိုင်ရင် ဘယ်သူကယ် နိုင်မည်နည်း၊ မျိူးချစ်စိတ်ဓာတ် ဘက်ကပဲ ကြည့်ကြည့် ဘာသာ သာသနာဘက်ကပဲ ကြည့်ကြည့် လူမှုရေးရှု့ထောင့်ကပဲ ကြည့်ကြည့် မဖြစ်မနေ တာဝန်ယူကြရမည် ဖြစ်ပါသည်။ နောက်ထက် ကယ်တင်ဖို့ရန် ကျန်ရှိပါသေးသည်။

အစီအစဉ်
ထိုကဲ့သို့သော ပြည်ချစ်၊ ဘာသာရေး၊ လူမျိုးရေး ကရုဏာစိတ်ဓာတ်များ မွေးမြူကာ သူတို့လေးတွေကို ကယ်တင်ရန်အတွက် သီတဂူကပ္ပိယ ၂ ယောက် သီဟိုဠ်သို့သွားမည်၊ သံအမတ်ကြီးကလည်း အားတက်သရော ကူညီပေးနေသည်ဟု သိရသည်။ သူတို့လေးတွေ၏ မိဘများကို အကြောင်းကြားရန်နှင့် လေဆိပ်မှာ သွားကြိုရန်၊ သီတဂူမှာ နေ့လည်စာများဖြင့် ကျွေးမွေးပြီး မိဘများကို ခေါ်ကာ အပ်နှံပေးမည် ဖြစ်သည်။ ဤကား လောလောဆယ် အစည်းအဝေးမှ ဆုံးဖြတ်ထားသော အစီအစဉ်တည်း။ ဆရာတော်ကြီး၏ သြ၀ါဒအတိုင်း ယနေ့ ဒေါက်တာ အရှင်ပညာ သီဟာလင်္ကာရ နှင့် သီတဂူစတားတို့ ကလေးမိဘများထံ ပို့စာများကို အပူတပြင်း ရေးကြရပါသည်။ အမြန်ဆုံး ပို့နိုင်အောင် ကြိုးစားနေပါသည်။

မှတ်ချက်။ ။ ကလေးမိဘများထံ အောက်တိုဘာလာ ၁၅ ရက်နေ့ သီတဂူအပြည်ပြည်ဆိုင်ရာ သာသနာပြု ဗိမာန်တော်သို့ ကိုယ်တိုင် လာရောက် စုံးစမ်းရန်နှင့် ၁၆ ရက်နေ့ အပ်နှင်းပွဲ ပြုလုပ်မည့်အကြောင်းများ သတင်းများ ပေးပို့ထားသည်။

မေတ္တာကရုဏာ တရား ကိုယ်စီ စီးဖြန်းနိုင်ကြပါစေ။

သီတဂူစတား
၂၈-၉၂၀၁၀
http://www.sitagustar.net/2010/09/blog-post_27.html

ဝေနှင်းပွင်သုန်

Waihnin Pwint Thon Speaks for Burma and Political Prisoners at the UK Labour Party Conference

The issue of Political Prisoners and Burma has taken centre stage today at the annual British Labour Party conference being held in Manchester, UK. The short film made about this political prisoner work was shown as an introduction to the most incredible speech ever given in this country by anyone at any political conference or meeting about Burma. Waihnin Pwint Thon, daughter of jailed 88 Generation Student leader Ko Mya Aye, and one of the leading campaigners for Burma and political prisoners in her own right, gave an extraordinarily powerful speech that not only defied her young age, but deserved the lengthy standing ovation it received.

Dressed in white out of memory for her father and his colleagues of the 88 Generation Students, she brought back memories of the famous speech Daw Aung San Suu Kyi delivered at the west gates of the Shwedagon Pagoda on 26th August 1988. Today Waihnin delivered a powerful speech that elevated the issue of Burma to centre stage of the newly formed Labour Party at this most crucial time with elections fast approaching and on the day the UN General Assembly meets to discuss Burma.

နိုင်ငံရေးအကျဉ်းသားများ ပြန်လွှတ်ရေး အိုဘားမား တောင်းဆို

နယူးယောက်မြို့၊ ကုလသမဂ္ဂ ဌာနချုပ်တွင် စက်တင်ဘာ ၂၃ ရက်က ကျင်းပသော ၆၅ ကြိမ်မြောက် ကုလသမဂ္ဂ အထွေထွေ ညီလာခံ ဖွင့်ပွဲတွင် အမေရိကန်သမ္မတ ဘာရက်ခ် အိုဘားမား မိန့်ခွန်းပြောကြားနေပုံ ဖြစ်ပါသည်။ (Photo: AFP)

2010-09-25. RFA.News. မြန်မာနိုင်ငံမှာ လာမယ့်ရွေးကောက်ပွဲဟာ လွတ်လပ်ပြီး တရားမျှတဖို့နဲ့ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသား အားလုံးကို ရွေးကောက်ပွဲ မတိုင်ခင် လွှတ်ပေးဖို့ အမေရိကန် သမ္မတ အိုဘားမားက တိုက်တွန်း တောင်းဆိုလိုက်ပါတယ်။ အမေရိကန် သမ္မတနဲ့ အာဆီယံ ခေါင်းဆောင်တွေရဲ့ နှစ်နာရီကြာ တွေ့ဆုံပွဲမှာ မြန်မာ့နိုင်ငံရေး ဖြစ်ထွန်းတိုးတက်ဖို့ အမေရိကန်ရဲ့ ကြိုးစားမှုတွေ မအောင်မြင်တာကိုလည်း စိတ်ပျက်မိတယ်လို့ သမ္မတ အိုဘားမားက ဝန်ခံ ပြောဆိုသွားပါတယ်။ ဒါပေမယ့် မြန်မာနိုင်ငံ ဒီမိုကရေစီ အသွင်ကူးပြောင်းဖို့၊ လူ့အခွင့်အရေး ကာကွယ်မြှင့်တင်ဖို့နဲ့ အမျိုးသား ပြန်လည်သင့်မြတ်ရေးတွေ ဆောင်ရွက်ဖို့ အရေးကြီးတယ် ဆိုတဲ့အပေါ် သမ္မတ အိုဘားမားက ယုံကြည်မှု အပြည့်ရှိကြောင်း အစိုးရရဲ့ ထုတ်ပြန်ချက်မှာ ဖော်ပြထား ပါတယ်။

ရွေးကောက်ပွဲအပြီး မြန်မာ့နိုင်ငံရေးမှာ ဒေါ်အောင်ဆန်းစုကြည် ပါဝင်သင့်ကြောင်း ထိုင်းဝန်ကြီးချုပ် ပြောဆို

2010-09-25. RFA. News. မြန်မာ စစ်အစိုးရဟာ နိုဝင်ဘာလ ရွေးကောက်ပွဲအပြီး မြန်မာ့နိုင်ငံရေးမှာ ဒေါ်အောင်ဆန်းစုကြည် ပါဝင်လာတာမျိုး ပိုပြီး ကျယ်ကျယ် ပြန့်ပြန့် ရှိတဲ့ နိုင်ငံရေး စနစ်တရပ်ကို ခွင့်ပြုရ လိမ့်မယ်လို့ ထိုင်းဝန်ကြီးချုပ် အဘီဆစ်က ပြောဆိုလိုက်ပါတယ်။ ကုလသမဂ္ဂ အထွေထွေ ညီလာခံကို တက်ရောက်ဖို့ နယူးယောက်မြို့ ကိုရောက်ရှိ နေစဉ်အတွင်း ကြာသပတေးနေ့က ဝါရှင်တန်ပို့စ် သတင်းစာနဲ့ တွေ့ဆုံမေးမြန်းရာမှာ အဲဒီလိုပြောဆို ခဲ့တာပါ။ ထိုင်းဝန်ကြီးချုပ် အဖိဆစ်ဟာ ဝန်ကြီးချုပ် တာဝန်ယူပြီး (၂) နှစ်နီးပါး ကြာတဲ့အထိ မြန်မာနိုင်ငံကို မသွားရောက် ခဲ့သေးပါဘူး။ တခြားကိစ္စတွေ ပေါ်မလာဘူးဆိုရင် နောက်လထဲမှာ မြန်မာပြည် သွားနိုင်မယ် ထင်ပါတယ်လို့ အဖိဆစ်က ပြောဆိုခဲ့ပါတယ်။

တိုက်ပွဲဝင် ခွပ်ဒေါင်း အလံတော်အား အမေရိကန် ပြည်ထောင်စု တွင်တရားဝင် လွှင့်ထူခွင့်ရရှိ

စစ်အာဏာရှင် တိုက်ပွဲတွင် ဒီမိုကရေစီ အင်အားစုများ ကိုင်စွဲလွှင့်ထူခဲ့သော တိုက်ပွဲဝင် ခွပ်ဒေါင်းအလံအား အမေရိကန် ပြည်ထောင်စု၊ နယူးယောက် ပြည်နယ်၊ ဘတ်ဖဲလိုးမြို့တွင် သက်ဆိုင်ရာ အာဏာပိုင်များ၏ တရားဝင် ခွင့်ပြူချက်ဖြင့် စက်တင်ဘာလ ( ၂၅ ) နေ့ နံနက် ၁၁နာရီအချိန် ဘတ်ဖဲလိုးမြို့ မြို့တော်ခန်းမရှေ့ ပန်းခြံရှိ အမေရိကန် ပြည်ထောင်စု နိုင်ငံတော် အလံလွှင့်ထူရာ အလံတိုင်တွင် လွှင့်ထူခွင့် ရခဲ့ပါသည်။ ယင်း အလံလွှင့်ထူခြင်း အခမ်းအနားသို့ အဝေးရောက် ညွှန့်ပေါင်း အစိုးရအဖွဲ့ ၀န်ကြီးချူပ်မှ တက်ရောက် အမှာစကား ပြောကြားခဲ့ပြီး၊ ကျောင်းသား ခေါင်းဆောင်များ၊ နိုင်ငံရေး အကျဉ်းသား ဟောင်းများ၊ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦးမှ ရဲဘော်ဟောင်းများ၊ အမျိုးသား ဒီမိုကရေစီ အဖွဲ့ဝင်များ၊ ဒီမိုကရေစီရေး တက်ကြွ လှုတ်ရှားသူများပါ ချီတက် အလေးပြူ ခဲ့ကြပါသည်။ ယင်း တိုက်ပွဲဝင် ခွပ်ဒေါင်းအလံ အား အမေရိကန် ပြည်ထောင်စုတွင် တရားဝင် လွှင့်ထူခွင့် ပေးခြင်းမှာ အမေရိကန် ပြည်ထောင်စု အနေဖြင့် မြန်မာ့ဒီမိုကရေစီ လှုတ်ရှားမှု့ကို အသိမှတ်ပြူ ထောက်ခံခြင်း ဖြစ်သလို၊ မြန်မာနိုင်ငံ တိုက်ပွဲဝင် ခွပ်ဒေါင်းအလံ အား အလေးမြတ် ထားခြင်းလည်း ဖြစ်ကြောင်း သက်ဆိုင်ရာ အာဏာပိုင် တစ်ဦးမှ ပြောကြားသွား ခဲ့ပါသည်။

ဘတ်ဖဲလိုးဒီမိုကရက်တစ်အင်အားစုများ
အမေရိကန်ပြည်ထောင်စု။

နေပြည်တော်-ရန်ကုန် လျှပ်စစ်ရထားလမ်း ဖောက်လုပ်ရန် ပြင်ဆင်

အောင်ထက် /၂၄ စက်တင်ဘာ ၂၀၁၀။ တရုတ်၏ နည်းပညာ အကူအညီဖြင့် နေပြည်တော် - ရန်ကုန် မြန်နှုန်းမြင့် လျှပ်စစ် ရထားလမ်း ဖောက်လုပ်မည်ဖြစ်ပြီး လမ်းပိုင်းမြေသား စတင်ပြုပြင် နေပြီဖြစ်ကြောင်း နေပြည်တော် မီးရထားဝန်ကြီး ဌာနမှအရာထမ်း တဦးက ပြောကြားသည်။ အဆိုပါ မြန်နှုန်းမြင့် ရထားလမ်းသည် နေပြည်တော်-ရန်ကုန်ခရီးအား ကြာမြင့်ချိန် (၃) နာရီဖြင့် မောင်းနှင် မည်ဖြစ်ပြီး ရထားတွဲဆိုင်း များကိုလည်း တရုတ်နိုင်ငံမှ ကျွမ်းကျင် ပညာရှင်များ ကိုယ်တိုင် လာရောက် တပ်ဆင်ပေးမည်ဟု သိရသည်။ ၂၀၁၃ ခုနှစ်တွင် အိမ်ရှင်နိုင်ငံအဖြစ် နေပြည်တော်၌ လက်ခံကျင်းပမည့် အရှေ့တောင်အာရှ အားကစားပြိုင်ပွဲ (ဆီးဂိမ်း) အမီ ဖောက်လုပ် ဖွင့်လှစ်မည်ဟု မီးရထားဝန်ကြီး ဌာနမှ မီးရထား အင်ဂျင်နီယာ တဦးက ပြောသည်။

၎င်းက “မြန်မာ့မီးရထားဆိုက်က အင်ဂျင်နီယာတွေ ရောက်နေတယ်။ တရုတ်နည်း ပညာရှင်တွေနဲ့ စက်တင်ဘာ (၂၂) ရက်နေ့က မီးရထား ၀န်ကြီးဌာနမှာ တွေ့ဆုံ ညှိနှိုင်းမှုတွေ လုပ်ခဲ့တယ်” ဟု ပြောသည်။ လျှပ်စစ်ရထားလမ်း အစီအစဉ်ကို ၂၀၁၅ တွင် အပြီးတည်ဆောက် မည်ဟုလည်းကောင်း၊ ဂျပန်နည်းပညာ၊ တရုတ်နည်းပညာ၊ ကိုယ်ပိုင်နည်း ပညာတခုခုဖြင့် ဖောက်လုပ်မည် ဟုလည်းကောင်း သတင်းများ ထွက်ပေါ်ခဲ့သည်။

ယခုဖောက်လုပ်မည့် နေပြည်တော်-ရန်ကုန် မြန်နှုန်းမြင့် ရထားလမ်းအရှည်မှာ (၂၂၆) မိုင်ဖြစ်ပြီး လက်ရှိပြေးဆွဲနေသည့် ရန်ကုန်-မန္တလေး မီးရထားလမ်းနှင့် နေရာအတော်များများ၌ ယှဉ်လျက် ဖောက်လုပ်မည်ဖြစ်ကာ နေပြည်တော်-ရန်ကုန် ခြောက်လမ်းသွား ယာဉ်ကြောနှင့်မူ ဝေးကွာပြီး သီးသန့် လမ်းကြောင်းအဖြစ် ဖောက်လုပ်မည် ဖြစ်သည်ဟု မီးရထား အင်ဂျင်နီယာ ဌာနမှ အင်ဂျင်နီယာ ဌာန တာဝန်ရှိသူတဦးက ပြောကြားသည်။ ၎င်းက “ရထားလမ်းတလျှောက် လျှပ်စစ်ဓာတ်အား အပြည့်အ၀ ပေးရမယ်။ သံလမ်းတွေကို standard အဆင့် သုံးရမယ်။ ဆီးဂိမ်းအမီ ၂၀၁၃ မှာ အပြီးတည်ဆောက်ရမှာ ဖြစ်လို့ အခက်အခဲတွေ အများကြီးရှိနိုင်တယ်” ဟု ဆိုသည်။

ရန်ကုန်မြို့လမ်းပိုင်း မြေသားပြုပြင်မှုကို မည်သည့်နေရာမှ စတင်လုပ်ဆောင်နေသည်ကို အတိအကျမသိရ သော်လည်း ရွာသာကြီး ဘူတာ ၀န်းကျင်အပိုင်းမှ စတင်ဆောင်ရွက်နိုင်သည်ဟု မီးရထားဝန်ထမ်း တို့က ပြောဆိုသည်။နေပြည်တော်ဗဟိုပြု အမျိုးသားမီးရထား ကွန်ရက်စီမံကိန်းတွင် ရထားလမ်းစီမံကိန်း (၁၃) ခုရှိပြီး စုစုပေါင်းခရီး (၂၂၆၅) မိုင်အကွာအဝေးအတွက် ဖောက်လုပ်ပြီး ရထား လမ်းပိုင်းမှာ (၃၂၁) မိုင်သာရှိသေးကြောင်း၊ ယခု မြန်နှုန်းမြင့် လျှပ်စစ်ရထား စီမံကိန်းသည် (၁၄) ခုမြောက် ဖြစ်ကြောင်း ဌာနဆိုင်ရာ သတင်းများအရ သိရသည်။ အဆိုပါ စီမံကိန်းအတွက် တရုတ်-မြန်မာ ပူးပေါင်းချစ်ကြည်ရေး နားလည်မှုစာချွန်လွှာ (MOU) ကိုမူ လက်မှတ် ရေးထိုးခြင်း မပြုရသေးပေ။ လတ်တလော ပြေးဆွဲလျက်ရှိသည် ရန်ကုန်-နေပြည်တော် ရထားလမ်းပိုင်းသည် (၂၃၄) မိုင် ရှည်လျားပြီး တနာရီ ပျမ်းမျှ (၄၀) မိုင်နှုန်းဖြင့် ပုံမှန်မောင်းနှင်ချိန် (၈) နာရီ မိနစ် (၄၀) ကြာမြင့်သည်။

@Khitpyaing

အထွေထွေရွေး ကောက်ပွဲတွင် ပါတီ(၃၇)ပါတီ ဝင်ရောက် ယှဉ်ပြိုင်မည်

နိုဝင်ဘာ ၇ ရက်တွင် ကျင်းပမည့် အထွေထွေ ရွေးကောက်ပွဲတွင် ၀င်ရောက် ယှဉ်ပြိုင်ရန် မှတ်ပုံတင် ခွင့်ရသော နိုင်ငံရေးပါတီ ၄၂ ပါတီအနက် (၃၇) ပါတီက ပြည်သူ့လွှတ်တော် မဲဆန္ဒနယ်၊ အမျိုးသား လွှတ်တော် မဲဆန္ဒနယ်၊ တိုင်းဒေသကြီး (သို့) ပြည်နယ် လွှတ်တော် မဲဆန္ဒနယ်များအနက် အနည်းဆုံး မဲဆန္ဒနယ် သုံးနယ်တွင် ယင်းတို့၏ပါတီမှ လွှတ်တော် ကိုယ်စားလှယ်လောင်း များဝင်ရောက် ယှဉ်ပြိုင်မည်ဖြစ်သည်။

နှစ်ပေါင်း ၂၀ အတွင်း ပထမဆုံးအကြိမ် ကျင်းပမည့် အထွေထွေ ရွေးကောက်ပွဲတွင် နိုင်ငံရေးပါတီ (၃၇) ပါတီက ၀င်ရောက် ယှဉ်ပြိုင်မည် ဖြစ်ကြောင်း ပြည်ထောင်စု ရွေးကောက်ပွဲ ကော်မရှင်၏ ကြေညာချက်အရ သိရသည်။ နိုဝင်ဘာ ၇ ရက်တွင် ကျင်းပမည့် အထွေထွေ ရွေးကောက်ပွဲတွင် ၀င်ရောက် ယှဉ်ပြိုင်ရန် မှတ်ပုံတင်ခွင့်ရသော နိုင်ငံရေးပါတီ ၄၂ ပါတီအနက် (၃၇) ပါတီက ပြည်သူ့ လွှတ်တော် မဲဆန္ဒနယ်၊ အမျိုးသား လွှတ်တော် မဲဆန္ဒနယ်၊ တိုင်းဒေသကြီး (သို့) ပြည်နယ်လွှတ်တော် မဲဆန္ဒနယ်များအနက် အနည်းဆုံး မဲဆန္ဒနယ် သုံးနယ်တွင် ယင်းတို့၏ပါတီမှ လွှတ်တော် ကိုယ်စားလှယ်လောင်းများ ၀င်ရောက် ယှဉ်ပြိုင်မည်ဖြစ်ကြောင်း စက်တင်ဘာလ ၁၄ရက်၌ ပြည်ထောင်စု ရွေးကောက်ပွဲ ကော်မရှင်က ကြေညာချက်အမှတ် ၉၇/၂၀၁၀ ဖြင့် ကြေညာခဲ့သည်။ ထိုပါတီများမှာ-

၁။ မြို(ခေါ်)ခမိ အမျိုးသားညီညွတ်ရေးအဖွဲ့(မ.ခ.မ.ည.ဖ)
၂။ တိုင်းရင်းသား စည်းလုံးညီညွတ်ရေးပါတီ
၃။ လားဟူအမျိုးသား ဖွံ့ဖြိုးတိုးတက်ရေးပါတီ
၎။ ကိုးကန့်ဒီမိုကရေစီနှင့် ညီညွတ်ရေးပါတီ
၅။ ပအိုဝ်းအမျိုးသားအဖွဲ့ချုပ်(PNO)
၆။ ဒီမိုကရက်တစ်ပါတီ(မြန်မာ)
၇။ ကယန်းအမျိုးသားပါတီ
၈။ မြန်မာနိုင်ငံ ရခိုင်ပြည်နယ်အမျိုးသားအင်အားစုပါတီ
၉။ ကရင်ပြည်သူ့ပါတီ
၁၀။ “၀”အမျိုးသားစည်းလုံးညီညွတ်ရေးပါတီ
၁၁။ တအာင်း(ပလောင်)အမျိုးသားပါတီ
၁၂။ မွန်ဒေသလုံးဆိုင်ရာ ဒီမိုကရေစီပါတီ
၁၃။ ဒီမိုကရေစီနှင့် ငြိမ်းချမ်းရေးပါတီ
၁၄။ ရှမ်းတိုင်းရင်းသားများ ဒီမိုကရက်တစ်ပါတီ
၁၅။ ညီညွတ်သော ဒီမိုကရက်တစ်ပါတီ (UDP)
၁၆။ ၈၈မျိုးဆက်ကျောင်းသားလူငယ်များ(ပြည်ထောင်စုမြန်မာနိုင်ငံ)ပါတီ
၁၇။ ပြည်ထောင်စုမြန်မာနိုင်ငံ အမျိုးသားနိုင်ငံရေးအဖွဲ့ချုပ်
၁၈။ အမျိုးသားနိုင်ငံရေး မဟာမိတ်များအဖွဲ့ချုပ်
၁၉။ ချင်းအမျိုးသားပါတီ
၂၀။ ၀ံသာနု NLD (ပြည်ထောင်စုမြန်မာနိုင်ငံ)
၂၁။ ခေတ်သစ်ပြည်သူ့ပါတီ
၂၂။ ပြည်ထောင်စု ဒီမိုကရေစီပါတီ
၂၃။ မတူကွဲပြားခြင်းနှင့် ငြိမ်းချမ်းရေးပါတီ
၂၄။ ချင်းတိုးတက်ရေးပါတီ
၂၅။ အင်းအမျိုးသားဖွံ့ဖြိုးတိုးတက်ရေးပါတီ
၂၆။ ရခိုင်တိုင်းရင်းသားများ တိုးတက်ရေးပါတီ
၂၇။ “၀” ဒီမိုကရက်တစ်ပါတီ
၂၈။ ဖလုံ-စဝေါ် ဒီမိုကရက်တစ်ပါတီ
၂၉။ အမျိုးသားဖွံ့ဖြိုးတိုးတက်ရေး ဒီမိုကရက်တစ်ပါတီ
၃၀။ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
၃၁။ တိုင်းရင်းသားလူမျိုးစုများ ဖွံ့ဖြိုးရေးပါတီ
၃၂။ ကမန်အမျိုးသားတိုးတက်ရေးပါတီ
၃၃။ ခမီအမျိုးသားဖွံ့ဖြိုးတိုးတက်ရေးပါတီ
၃၄။ အမျိုးသား ဒီမိုကရေစီအင်အားစုပါတီ
၃၅။ စည်းလုံးညီညွတ်ရေးနှင့် ဒီမိုကရေစီပါတီကချင်ပြည်နယ်(စဒက)
၃၆။ ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေးပါတီ
၃၇။ အမျိုးသားဖွံ့ဖြိုးတိုးတက်ရေးနှင့် ငြိမ်းချမ်းရေးပါတီ။


Credit: ငြိမ်းငြိမ်းနိုင် (7Day News Journal).

ရွေးကောက်ပွဲ မျှတဖို့ အမေရိကန်-အာဆီယံ တောင်းဆို

ဘယ်လိုမြင်ကြသလဲ ကိုယ်အမှုအရာရပေါ့။ 25/09/2010. VOA. New.

မြန်မာ စစ်အစိုးရက နိုဝင်ဘာလ ၇ ရက်နေ့မှာ ကျင်းပဖို့ စီစဉ်ထားတဲ့ ရွေးကောက်ပွဲဟာ နိုင်ငံတကာက လက်ခံနိုင်မယ့် ပွင့်လင်း မြင်သာမှုတွေနဲ့ အားလုံးပါဝင်ပြီး လွတ်လပ်၊ တရားမျှတမှု ရှိဖို့လိုတဲ့ အကြောင်း အမေရိကန်နဲ့ အရှေ့တောင်အာရှ နိုင်ငံများအသင်း (အာဆီယံ) တို့က တောင်းဆို လိုက်ကြပါတယ်။ သောကြာနေ့ နှောင်းပိုင်း နယူးယောက်မြို့က အာဆီယံနဲ့ အမေရိကန် ဒုတိယအကြိမ် ထိပ်သီး အစည်းအဝေးပွဲ အပြီး ထုတ်ပြန်လိုက်တဲ့ ပူးတွဲကြေညာချက်မှာ အခုလို ပြောဆိုတာပါ။
စစ်အစိုးရနဲ့ အမေရိကန်က ထိတွေ့ဆက်ဆံမှု တွေအပေါ် အာဆီယံက ကြိုဆိုကြောင်းနဲ့ ဒါဟာ အမျိုးသား ပြန်လည် သင့်မြတ်ရေးကို အထောက်အကူ ဖြစ်စေလိမ့်မယ်လို့ မျှော်လင့်ကြောင်း၊ ထိပ်သီး အစည်းအဝေးပွဲ တွေအတွင်း အာဆီယံ ခေါင်းဆောင်တွေနဲ့ မြန်မာ နိုင်ငံက လူ့အခွင့်အရေး၊ နိုင်ငံရေး အခြေအနေတွေနဲ့ ပတ်သက်လို့ သမ္မတ အိုဘားမားက ပြောဆိုခဲ့သလို ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ ပြန်လွှတ်ပေးဖို့ တောင်းဆိုခဲ့ကြောင်းလည်း သတင်းတွေက ဖော်ပြခဲ့တယ်။

အရှက်တရားကို အောင်နိုင်ခဲ့တဲ့ မေတ္တာ

အရှက်တရားကို အောင်နိုင်ခဲ့တဲ့ မေတ္တာ

၂၀၀၂ နှစ်ကုန်ပိုင်းလောက်မှာ အီတလီနိုင်ငံက သတင်းစာအချို့မှာ ထူးဆန်းတဲ့ လူပျောက်ကြော်ငြာ သတင်းတစ်ခုပါလာခဲ့တယ်။ ကြော်ငြာက ဒီလိုရေးထားပါတယ်။

“၁၉၉၂ ခုနှစ် ၅လပိုင်း ၁၇ရက်နေ့မှာ ဗွိုင်လာရီ မြို့တော်လမ်းမ စီးပွားရေးရပ်ကွက် ၅ က ကားရပ်တဲ့နေရာတစ်ခုမှာလူဖြူအမျိုးသမီး
တစ်ဦးကို လူမည်းတစ်ဦးက မုဒိန်းကျင့်ခဲ့တယ်။ အဲဒီနောက် အမျိုးသမီးဟာ လူမည်းသမီးလေးတစ်ဦး ဖွားမြင်ခဲ့တယ်။ သူ့ခင်ပွန်းလည်း အမျိုးသမီးနဲ့အတူ လူမည်းကလေးကို ပြုစုပျိုးထောင်ဖို့ တာဝန်ယူခဲ့တယ်။ ဒါပေမဲ့ ဒီကလေးငယ် ကံမကောင်းခဲ့ရှာဘူး။ အခုအချိန်မှာ သူဟာ သွေးကင်ဆာရောဂါကို ခံစားနေရတယ်။ သူ့အတွက် ရိုးတွင်းချဉ်ဆီ ကုသဖို့ အရေးတကြီးလိုအပ်လာ တယ်။ သူ့အသက်ကို
ကယ်တင်ဖို့ တစ်ခုတည်းသော မျှော်လင့်ချက်က သူ့ဖခင်ပဲဖြစ်တယ်။ ဒါကြောင့် ဒီကြော်ငြာကို ဖတ်မိတဲ့ကာယာကံရှင်ကိုယ်တိုင် အယ်လီဇဘက်ဆေးရုံ ဒေါက်တာအင်ဒရေယာ နဲ့ ဆက်သွယ်ပါ”

ဒီလူပျောက်ကြော်ငြာက လူထုတွေကြားမှာ လှိုင်းဂယက်တစ်ခု ထသွားစေခဲ့တယ်။ လူတော်တော်များများ ဝေဖန်ကြတဲ့အကြောင်းက မုဒိန်းကျင့်ခဲ့တဲ့ လူမည်း ထွက်လာပြီး ၀န်ခံပါ့မလား? တကယ်လို့ ထွက်လာပြီးဝန်ခံရင် သူ့နာမည်ပျက်မယ်။ သူ့မိသားစု ပြိုကွဲမယ်။ တကယ်လို့ မထွက်လာဘဲ အသံတိတ်နေမယ်ဆိုရင် သူဟာ လုံးဝခွင့်မလွတ်နိုင်တဲ့ အပြစ်ကြီးတစ်ခုကိုထပ်ကျူးလွန်သူဖြစ်သွား
လိမ့်မယ်။ ဒီဇာတ်လမ်းရဲ့ နိဂုံးက ဘယ်လိုအဆုံးသတ်မှာလဲ ဆိုတာကိုလူတွေက စိတ်ဝင်စားနေကြတယ်။

အီတလီ ဗွိုင်လာရီ မြို့ရဲ့ ရပ်ကွက်တစ်ခုက မော်နီကာ ဆိုတဲ့ လူမည်း ကလေးမ တစ်ဦးဟာ အရှက်တစ်ခုရဲ့ လျှို့ဝှက်ချက်ကို အစဆွဲထုတ် ခဲ့တယ်။ သူ့အမေ... မုဒိန်းကျင့်ခံခဲ့ရဖူးတဲ့ အသက် ၃၅ နှစ်အရွယ် မာမိတာ ကလူတကာရဲ့ပစ်မှတ်ဖြစ်လာခဲ့တယ်။ သူနဲ့ သူ့ခင်ပွန်း ပီတာကလူဖြူတွေဖြစ်တယ်။ ဒါပေမဲ့ သူတို့ကလေးတွေက အဖြူတစ်ယောက်၊ အမည်းတစ်ယောက်ဖြစ်နေတယ်။ အဲဒီထူးခြားတဲ့
မြင်ကွင်းက ပတ်ဝန်းကျင်က လူတွေကို ပိုပြီးသံသယ၀င်စေခဲ့တယ်။ ဒါကို မာမိတာကဘယ်လိုပြောလဲဆို တော့ သူ့အဘွားက လူမည်း
ဖြစ်ပြီး အဘိုးကလူဖြူဖြစ်တဲ့အကြောင့် ဒါကြောင့် သမီးလေးမော်နီကာ ကျမှ သွေးကလာဆန့်ကျင်တာပါပေါ့လေ။ ၂၀၀၂ ခုနှစ် ဆောင်းဦးပေါက်မှာ လူမည်းလေး မော်နီကာ နာမကျန်းဖြစ်ပြီး ကိုယ်အပူချိန်တွေတက်ခဲ့တယ်။ နောက်ဆုံး ဒေါက်တာ အင်ဒရေယာက
မော်နီကာမှာ သွေးကင်ဆာရှိနေတဲ့အကြောင်း ရိုးတွင်းချဉ်ဆီ ရွှေ့ပြောင်းကုသနည်းကမှ သူ့အတွက် တစ်ခုတည်း သော အကောင်းဆုံး
ကုသနည်းဖြစ်ကြောင်း ပြောတယ်။

ဆရာဝန်က ဆက်ပြီး “မော်နီကာနဲ့ သွေးသားတော်စပ်တဲ့ လူတွေမှာ လိုအပ်တဲ့ ရိုးတွင်းချဉ်ဆီကို အလွယ်တကူ ရှာနိုင်ပါတယ်။ ဒါကြောင့်
ခင်ဗျားတို့ဆွေမျိုးတွေအားလုံး ဆေးရုံလာပြီး စစ်ဆေးပါ” လို့ ပြောတယ်။ မာမိတာ ကမျက်စိမျက်နှာ ပျက်လို့ပေါ့။ ဒါပေမဲ့ ဆွေမျိုးတွေ အားလုံးကိုခေါ်ပြီးစစ်ဆေး ခဲ့ပါတယ်။ နောက်ဆုံးရတဲ့ အဖြေက သွေးချင်း “မကိုက်ညီပါ”တဲ့။

မော်နီကာရဲ့ ရောဂါအခြေအနေက သူနဲ့ သင့်တော်မဲ့ ရိုးတွင်းချဉ်ဆီရဖို့နှုန်း အင်မတန်သေးငယ်တဲ့ အကြောင်း ဆရာဝန်က ပြောပြန်တယ်။
ဖြစ်နိုင်ဖို့အခြေအနေတစ်ခုက မာမိတာ နဲ့ သူ့ခင်ပွန်း နောက် ထပ် ကလေးတစ်ယောက် မွေးပြီး အဲဒီကလေးရဲ့သွေးတွေ မော်နီကာထဲ သွင်းပေးဖို့ ဆရာဝန်က အကြံ ပေးပြန်တယ်။ ဒီအကြံကို ကြားတော့ မာမိတာ တစ်ယောက် တုန်လှုပ်ခဲ့မိတယ်။ “ဘုရားရေ... ဘာဖြစ် လို့ ဒီလို ဖြစ်ရတာလဲ” လို့သူ့နှုတ်က လွတ်ခနဲ့ အော်လိုက်မိတယ်။ ခင်ပွန်းဖြစ်သူ ကို မျှော်လင့်ချက်မဲ့တဲ့ အကြည့်၊ ချောက်ချားတဲ့ အကြည့်နဲ့
သူကြည့်လိုက်မိတယ်။ ခင်ပွန်းသည် ပီတာလည်း အဲဒီအကြံကြောင့် မျက်မှောင်ကြုတ်လို့။ ဒေါက်တာအင်ဒရေ ကလူအတော် များများ
လည်း ဒီလိုသွေးသွင်းနည်းနဲ့ သွေးကင်ဆာကို ကုသကြကြောင်း၊ ဒီလိုကုသလို့လည်းမွေးဖွား လာတဲ့ ရင်သွေးငယ်ရဲ့ ကျန်းမာရေးကို
မထိခိုက်နိုင်တဲ့အကြောင်း ထပ်တလဲလဲ ရှင်းပြနေခဲ့တယ်။ ဇနီးမောင်နှံနှစ်ဦးက ဘာမှပြန်မပြောဘဲ တိတ်ဆိတ်ငြိမ်သက်စွာနားထောင် နေခဲ့တယ်။ နောက်မှ“ကျွန် တော်တို့ စဉ်းစားပါရစေဦး” ဆိုတဲ့ စကားတစ်ခွန်းပဲ ပြောနိုင်ခဲ့တယ်။

နောက်တစ်နေ့ညနေ ဒေါက်တာအင်ဒရေတစ်ယောက် ဆေးရုံမှာ တာဝန်ကျနေတုန်း မာမိတာတို့ ဇနီးမောင်နှံ့နှစ်ဦး ရောက်လာခဲ့တယ်။ နှုတ်ခမ်းကို တင်းတင်းစေ့ထားတဲ့ မာမိတာရဲ့ လက်ကို ခင်ပွန်း သည်က တွဲထားတယ်။ မျက်နှာ မသာမယာနဲ့ ဆရာဝန်ကို “ ဒေါက်တာကို ကျွန်တော်တို့ အဖြစ်အပျက် တစ်ခု ပြောပြချင်ပါတယ်။ ဒါပေမဲ့ ဒီအဖြစ်အပျက်ကို ဒေါက်တာလျှို့ဝှက်ပေးရမယ်။ဘာဖြစ်လို့လဲဆို တော့ ဒါဟာကျွန်တော်တို့ နှစ်ပေါင်းအတော်ကြာ လျှို့ဝှက်လာတဲ့ ကိစ္စမို့ပါ” ဆရာဝန်ကတလေးတစားခေါင်းညိတ်ပြလိုက်တယ်။

“လွန်ခဲ့တဲ့ ၁၀နှစ် ၁၉၉၂ခုနှစ် မေလမှာ ကျွန်တော့်သမီးလေး ယီလီယာနာ နှစ်နှစ်ပြည့်တယ်။ ကျွန်တော့်ဇနီး မာမိတာက စားသောက်
ဆိုင်တစ်ဆိုင်မှာအလုပ်လုပ်တယ်။ သူက ညတိုင်း(၁၀) နာရီမှ အလုပ်ဆင်းတယ်။ အဲဒီညသူအလုပ်ဆင်းတော့ မိုးအကြီးအကျယ် ရွာနေခဲ့တယ်။ လမ်းပေါ်မှာလည်း လူခြေတိတ်နေတယ်။ စွန့်ပစ်ထားတဲ့ ကားရပ်နားနေရာ တစ်ခုရောက်တော့ နောက်ဖက်မှာ
ခြေသံတစ်ခု ကို သူကြားလိုက်မိတယ်။ နောက်လှည့်ကြည့်လိုက်တော့ လူမည်း လူရွယ်တစ်ဦး သူ့နောက်မှာ ရပ်နေ တာကို တွေ့လိုက်တယ်။ လူမည်းက လက်ထဲကတုတ်နဲ့ သူ့ကိုရိုက်လိုက်တယ်။ မူးမေ့သွားတော့ သူ့ကို မဖွယ်မရာ လုပ်တော့တာပဲ။ သတိရလာတော့ အိမ်ကို အမြန်ဆုံး သူပြန်ပြေးခဲ့တယ်။ အိမ်ရောက်တော့ မနက်(၁)နာရီ ထိုးနေပြီ။ အရူးတစ်ယောက်လို ကျွန်တော်အိမ်ထဲကနေ ကမူးကရူးပြေးထွက်ပြီး အဲဒီ လူမည်းကိုလိုက်ရှာခဲ့သေးတယ်။ ဒါပေမဲ့ အရိပ်အယောင်တောင်
မတွေ့ခဲ့ဘူး။ အဲဒီညကျွန်တော်တို့ တစ်ယောက်ကိုတစ်ယောက် ပွေ့ဖက်ပြီး ငိုခဲ့ကြတယ်။ ကောင်းကင်ကြီးတစ်ခုလုံး ပြိုကျခဲ့သလိုပါပဲ”
ပီတာက စကားကို ခဏရပ်လိုက်တယ်။ သူ့မျက်လုံးထဲမှာ မျက်ရည်တွေ ရစ်ဝိုင်းနေတယ်။

ပီတာက ဆက်ပြီး “ အဲဒီကိစ္စပြီးတော့ မကြာပါဘူး မာမိတာ မှာ ကိုယ်ဝန်ရှိလာတယ်။ ကိုယ်ဝန်က လူမည်းရဲ့ ကိုယ်ဝန်ပဲဖြစ်မယ်ဆိုပြီး
ကျွန်တော်တို့ ကြောက်ရွံ့စိုးရိမ်ခဲ့တယ်။ မာမိတာက ကိုယ်ဝန်ဖျက်ချ မလို့ဘဲဒါပေမဲ့ ကျွန်တော်တို့ရဲ့ ကလေးဖြစ်နေမှာလဲ
စိုးခဲ့တယ်။စိုးရိမ်ကြောင့်ကြမှုနဲ့ ကျွန်တော်တို့ လအတော်ကြာ စောင့်နေခဲ့တယ်။ ၁၉၉၃ခုနှစ် မတ်လမှာ ကလေးတစ်ဦး ဖွားမြင်ခဲ့တယ်။
အဲဒီကလေးက လူမည်းဖြစ်နေတယ်။ ကျွန်တော်တို့ရဲ့ မျှော်လင့်ချက်တွေ ပျက်စီးဆုံးရှုံးခဲ့ရတယ်။ ကလေးကို မိဘမဲ့ဂေ ဟာပို့ဖို့
ကျွန်တော်တို့စဉ်းစားခဲ့သေးတယ်။ ဒါပေမဲ့ ကလေးရဲ့ငိုသံကြားတော့ မလုပ်ရက်ခဲ့ဘူး။ သူ့က လည်း ၀မ်းနဲ့ လွယ်ခဲ့ရတဲ့ သက်ရှိ တစ်ခုပါပဲလေ။ ကျွန်တော်နဲ့ မာမိတာ ကသစ္စာတရားရှိတဲ့ ခရစ်ယာန် ဘာသာဝင်တွေပါ။ နောက်ဆုံး သူ့ကို ကျွန်တော်တို့မွေးဖို့ ဆုံးဖြတ်ခဲ့တယ်။ သူ့နာမည်ကို မော်နီကာလို့ ပေးလိုက်တယ်။

ဒေါက်တာအင်ဒရေယာ ရဲ့ မျက်ဝန်းမှာလဲ မျက်ရည်တွေ တွဲခိုနေတယ်။ ဒီဇနီးမောင်နှံ့နှစ်ဦး ဘာဖြစ်လို့ နောက်ကလေးတစ်ယောက်
ထပ်မွေးဖို့ဒီလောက်တောင် ကြောက်ရွံ့နေရသလဲဆိုတာကို သူအခုမှ သဘောပေါက်တော့တယ်။ ဆရာဝန်က အလေးအနက်စဉ်းစားတဲ့ ပုံစံနဲ့ ခေါင်းတဆတ်ဆတ်ညိတ်ပြီး “အင်း... ဒီအဖြစ်အပျက်အတိုင်းဆိုရင် ခင်ဗျားတို့ နောက်ထပ် ကလေး(၁၀ယောက်မွေးလဲမော်နီကာ နဲ့သင့်တော်မဲ့ ရိုးတွင်းချဉ်ဆီကို ရမှာမဟုတ်ဘူး” မာမိတာ ကိုသူတစ်ချက်ကြည့်ပြီး “ ဒီပုံအတိုင်းဆိုရင် ခင်ဗျားတို့ မော်နီကာရဲ့ဖခင်အရင်း
ကို ရှာရလိမ့်မယ်။ သူ့ရဲ့ ရိုးတွင်းချဉ်ဆီ ဒါမှမဟုတ် သူ့ကလေးရဲ့ ချဉ်ဆီကမှ မော်နီကာအတွက် သင့်တော်လိမ့်မယ်။ ဒါပေမဲ့ ခင်ဗျားတို့ဘ၀ထဲသူနောက်ထပ်တစ်ကြိမ် ပေါ်လာမှာကို ခင်ဗျားလို့ လိုလားသလား”

“ကလေးအတွက်ဆိုရင် သူ့ကို ကျွန်မခွင့်လွတ်နိုင်ပါတယ်။ တကယ်လို့ ကလေးကို ကယ်တင်ဖို့ သူထွက်လာမယ်ဆိုရင် သူ့ကို ကျွန်မတို့
တရားမစွဲပါဘူး”မိခင်တစ်ဦးရဲ့ ကြီးမားလေးနက်တဲ့ မေတ္တာ စကားက ဒေါက်တာအင်ဒရေယာကို ကိုင်လှုပ်ခဲ့တယ်။ ရိုးတွင်းချဉ်ဆီ လှူဒါန်းဖို့အတွက် ထူးခြားတဲ့ လူပျောက်ကြော်ငြာနဲ့ လှုပ်ဆော်ခဲ့တယ်။ ဖြစ်ပျက်ခဲ့တာလည်း နှစ်နဲ့ချီကြာခဲ့ပြီ။ လူ့ပင်လယ်မှာ တရားခံကို ဘယ်လိုရှာကြမလဲ? မာမိတာနဲ့ခင်ပွန်းက သေချာစဉ်းစားပြီး နာမည်အမှန်ကို မထုတ် ဖော်ဘဲ သတင်းစာမှာ လူပျောက်ကြော်ငြာထည့်ဖို့ ဆုံးဖြတ်ခဲ့ကြတယ်။

၂၀၀၂ခုနှစ် ၁၁လပိုင်း ဗွိုင်လာရီမြို့ရဲ့ သတင်းစာတိုင်းမှာ အထက်က ဖော်ပြခဲ့တဲ့အတိုင်း ထူးခြားတဲ့ လူပျောက်ကြော်ငြာပါလာခဲ့တယ်။
မုဒိန်းကျင့်ခဲ့တဲ့ တရားခံကို မားမားမတ်မတ် ထွက်လာပြီး ကင်ဆာရောဂါ ခံစားနေရတဲ့ ကလေးရဲ့အသက်ကို ကယ်ဖို့ဖြစ်တယ်။ အဲဒီသတင်းက လူထုတွေကြားမှာ တောမီးလို ဟုန်းဟုန်းတောက်ခဲ့တယ်။ ဒေါက်တာ အင်ဒရေယာရဲ့ စာတိုက်ပုံးနဲ့
ဖုန်းက အဆက်ပြတ်တယ်လို့ မရှိခဲ့ဘူး။ ဓားစာခံအမျိုးသမီးက ဘယ်သူလဲ? သူ့ကို လူချင်းတွေ့ပြီး အကူအညီ အားပေးစကားတွေ ပေးချင်ကြောင်း လူတွေပြောကြမေးခဲ့ကြတယ်။

ဒါပေမဲ့ မာမိတာက လူတွေရဲ့ အကူအညီကို ငြင်းဆန်ခဲ့သလို သူ့နာမည်အမှန်ကိုလည်း ထုတ်ဖော်မပြောပြခဲ့ဘူး။ မော်နီကာက
အဲဒီမုဒိန်းကောင်ရဲ့ သမီးပါလို့ လူတွေကို ပိုမသိစေချင်ခဲ့ဘူး။ သတင်းထောက်တွေကလည်း ဒီကိစ္စနဲ့ ပတ်သက်ပြီး
ဝေဖန်ဆွေးနွေးကြပြန်တယ်။ရောမသတင်းစာက “အဲဒီလူမည်း ထွက်လာပြီး ၀န်ခံရဲပါ့မလား? တကယ်လို့ သူက သတ္တိရှိရှိနဲ့ ထွက်လာရဲတယ်ဆိုရင် လူတွေက သူ့ကို ဘယ်လို ဆက်ဆံကြမလဲ? တရားဥပဒေကရော သူ့ကိုဘယ်လို စီမံချက်ချမလဲ?
ဖြစ်ခဲ့တဲ့ ပြစ်မှုအတွက် အပြစ်ပေးတာကို သူခံရမလား? ဒါမှမဟုတ် မားမားမတ်မတ် သတ္တိရှိရှိနဲ့ ထွက်ပြီးဝန်ခံတာကို အချီးကျူးခံမလား?” လို့ ဝေဖန်ပြန်တယ်။ တစ်ဖန် ဗွိုင်လာရီမြို့ခံ သတင်းစာက “ တကယ်လို့ ခင်ဗျားဟာ အဲဒီလူမည်းဆိုရင် ခင်ဗျားဘယ်လိုလုပ်မလဲ?” လို့ သတင်းဖတ်သူ အများနဲ့ ရှေ့မတိုးသာ နောက်မဆုတ်သာတဲ့ ပြဿနာကို ဆွေးနွေးပြန်တယ်။

မြို့ခံ ထောင်တွေကလဲ မာမိတာကို ကူညီကြတယ်။ ၁၉၉၂ ခုနှစ်က တရားခံတွေရဲ့ စာရင်းကို ဆေးရုံကို တင်ပြတယ်။ အဲဒီမြို့မှာ လူမည်းတွေက နည်းတော့ ၁၀နှစ်အတွင်း ပြစ်မှုကျူးလွန်တဲ့ လူမည်းတရားခံ တွေကလည်း နည်းခဲ့တယ်။ သူတို့က မာမိတာကို
“အဲဒီနှစ်တုန်းက မုဒိန်းမှုမဟုတ်တဲ့ ပြစ်မှုနဲ့ထောင်ကျ တဲ့ လူတွေရှိခဲ့ပါတယ်။ ဒါပေမဲ့ သူတို့ မလုပ်ခဲ့ဖူးဘူးလို့လဲ မပြောနိုင်ဘူးလေ”
လို့ အားပေးခဲ့တယ်။ တစ်ချို့က ထောင်ကလွတ်သွားခဲ့ပြီးတစ်ချို့က ထောင်ကျနေတုန်းပဲ။ မာမိတာနဲ့ ခင်ပွန်းက သူတို့ရဲ့ အကူအညီနဲ့
သဲလွန်စကို လိုက်ရှာခဲ့တယ်။ ထောင်သားတွေက ရိုးသားဂရုစိုက်တဲ့ပုံစံနဲ့သဲလွန်စရဖို့ ကူညီပေးကြပါတယ်။ ဒါပေမဲ့ သူတို့တွေက
မာမိတာကို အနိုင်ကျင့်ခဲ့တဲ့ လူမည်း မဟုတ်ခဲ့ပါဘူး။ မာမိတာရဲ့ အဖြစ်အပျက်ကထောင်ထဲမှာ ပြန့်လို့နေတယ်။ မိခင်တစ်ဦးရဲ့ ချစ်ခြင်း မေတ္တာက ထောင်သား အများကို ထိခိုက်ခံစားစေခဲ့တယ်။ လူဖြူပဲဖြစ်ဖြစ်၊လူမည်းပဲဖြစ်ဖြစ် မော်နီကာအတွက် ချဉ်ဆီလှူဒါန်းဖို့ သူတို့
သဘောတူ အစစ်ဆေးခံခဲ့ကြတယ်။ ဒါပေမဲ့ သင့်လျှော်တဲ့လူ တစ်ယောက်မှ မတွေ့ခဲ့ဘူး။ဒီအဖြစ် အပျက်က လူအတော်များများကို စိတ်ထိခိုက်စေခဲ့တယ်။ သင့်တော်တဲ့ ချဉ်ဆီရဖို့ ပါဝင်စစ်ဆေးကြတဲ့ စေတနာရှင်တွေကလည်း မနည်းခဲ့ဘူး။ စေတနာရှင်တွေ တစ်နေ့
တစ်ခြား ပိုပိုများလာခဲ့တယ်။ မြို့မှာချဉ် ဆီလှူဒါန်းတဲ့ ဂယက်လှိုင်းတစ်ခု ထသွားခဲ့တယ်။ သွေးကင်ဆာ ခံစားနေရတဲ့ဝေဒနာရှင် တော်
တော်များများက ဒီစေတနာရှင်တွေကြောင့် ကယ်တင်ခွင့်ရခဲ့တယ်။ ဒါပေမဲ့ မော်နီကာလေးကအဲဒီကံကောင်း ခြင်းထဲမှာ မပါခဲ့ပါဘူး။


မာမိတာတို့ ဇနီးမောင်နှံ့နှစ်ဦးက အဲဒီလူမည်း ထွက်ပေါ်အလာကို စိုးတထိတ်ထိတ်နဲ့စောင့်စားခဲ့ကြ တယ်။ (၂)လကြာတဲ့အထိ လူမည်းရဲ့ အရိပ်အယောင်ကို မတွေ့ခဲ့ဘူး။ ဒီလူမည်း လူ့ပြည်မှာ ရှိပါသေး သလားလို့ သူတို့စိတ်တွေ မတင်မကျဖြစ်ခဲ့ရတယ်။ ဒါမှမဟုတ် ဒီမြို့နယ်က
ခွာသွားပြီလား? အီတလီမှာကော ရှိသေးရဲ့လား? ဒါမှမဟုတ် သူ့မိသားစု ပြိုကွဲမှာစိုးလို့ ထွက်မလာရဲတာလား? ဘယ်လိုပဲဖြစ်ဖြစ် မော်နီကာ တစ်ရက် အသက်ရှင်နေသေးရင် လူမည်းကိုရှာဖို့ မျှော်လင့်ချက်တစ်ရက် ရှိတယ်ဆိုတဲ့စိတ်နဲ့ သူတို့ လက်မလျှော့ ခဲ့ကြဘူး။

အသက်ဝိညာဉ်တစ်ခုက နာကျင်တဲ့ ဝေဒနာကြားမှာ အလူးအလှိမ့် ခံစားလို့နေတယ်။မမျှော်လင့်တဲ့ အဖြစ်တစ်ခုက မျှော်လင့်ချက်မဲ့ နေချိန်မှာ ရောက်လာခဲ့တယ်။ ထူးခြားတဲ့ လူပျောက်ကြော်ငြာက အသက်(၃၀)ရှိ လူမည်း ဟိုတယ်ပိုင်ရှင် “အာချီလီ” ကို တုန်လှုပ် ချောက်ချားစေခဲ့တယ်။ ၁၉၉၂ ခုနှစ် မေလ ၁၇ ရက်နေ့ မိုးညတစ်ညမှာ အဲဒီလို အိပ်မက်ဆိုးတစ်ခု သူမက်ခဲ့ဖူးတယ်။ သူဟာ
ဒီဇာတ်လမ်းရဲ့ ကာယာကံရှင်ပါပဲ။ လူကြီးလူကောင်း သူဌေးအာချီလီကို တစ်ချိန်တစ်ခါက ပန်းကန်ဆေးသမားလို့ ဘယ်သူထင် ရက်ခဲ့မလဲ? သူငယ်ငယ်ကတည်းက မိဘတွေ ကွယ်လွန်သွားခဲ့ပြီး စာလည်း သေချာမ သင်ခဲ့ရဘဲ အလုပ်ထွက်လုပ်ခဲ့ရတယ်။
အလုပ်ကြိုးစားပြီး ထက်မြက်တဲ့ အာချီလီဟာ ကိုယ်ပိုင်လုပ်အား ငွေနဲ့ လူတွေရဲ့ လေးစားမှုကို ခံယူချင်ခဲ့တယ်။ ဒါပေမဲ့
သူ့အလုပ်ရှင်က လူတန်းစားခွဲခြားတဲ့ လူဖြစ်ပြီး သူဘယ်လောက်ပဲ အလုပ်ကိုကြိုးစားလုပ်လဲ အဆူအဆဲပဲ ခံခဲ့ရတယ်။

၁၉၉၂ ခုနှစ် မေလ ၁၇ရက်နေ့က အာချီလီ အသက် ၂၀ပြည့်တဲ့နေ့ဖြစ်တယ်။ အလုပ်စောစောဆင်းပြီး ကိုယ့်မွေးနေ့ပွဲကို ကျင်းပမလို့ပါပဲ။ ဒါပေမဲ့သူ့ရဲ့ အလျှင်လိုမှုကြောင့် ပန်းကန်တစ်ချပ် ကျကွဲသွားခဲ့တယ်။ သူဌေးက သူ့ခေါင်းကို အတင်းဖိနှိပ်ပြီး ပန်းကန်ကွဲတွေကို မြိုချခိုင်းတယ်။အာချီလီက သူဌေးကိုမုန်းမုန်း တီးတီးနဲ့ ဆွဲထိုးပြီး ဆိုင်ထဲကနေ ထွက်ပြေးလာခဲ့တယ်။ ဒေါသစိတ်ကြောင့် လူဖြူတွေကို ကလဲ့စားချေဖို့ သူဆုံးဖြတ်လိုက်တယ်။ မိုးညက လမ်းပေါ်မှာ တိတ်ဆိတ်နေခဲ့တယ်။ ကားပတ်တစ်ခုမှာ မာမိတာကို တွေ့တော့
လူဖြူတွေကို မုန်းတီးတဲ့စိတ်နဲ့ အပြစ်မဲ့သူ အမျိုးသမီးတစ်ဦးကို သူအနိုင်ကျင့်ခဲ့မိတယ်။


အနိုင်ကျင့်ပြီး အာချီလီ ကြောက်ရွံ့တုန်လှုပ်မိခဲ့တယ်။ အဲဒီညမှာပဲမွေးနေ့အတွက် စုထားတဲ့ငွေနဲ့ နေပယ်လ် မြို့ကိုသွားမဲ့ ရထားလက်မှတ်
ကိုဝယ်ပြီး ဒီမြို့နဲ့ ဝေးရာကို သူထွက်ပြေးခဲ့တယ်။ နေပယ်လ်မြို့မှာသူကံကောင်းတယ်လို့ ဆိုရမယ်။ အမေရိကားလူမျိုးတစ်ဦး
ဖွင့်ထားတဲ့ စားသောက်ဆိုင်မှာ သူအလုပ်ရခဲ့တယ်။ ကြိုးစားပြီး အပင်ပန်းခံနိုင်တဲ့အာချီလီကို ဆိုင်ပိုင်ရှင် သူဌေးလင်မယားက
သဘောကျခဲ့တယ်။ သမီးဖြစ်သူ“လီနာ”ကိုပါ သူနဲ့လက်ဆက်ပေးတဲ့အပြင် ဆိုင်တစ်ခုလုံးကိုလဲ အာချီလီလက်ထဲအပ်ခဲ့တယ်။ လာဘ်မြင်တဲ့ အာချီလီက စားသောက်ဆိုင်လေးကို ဟိုတယ်ကြီးတစ်ခုအဖြစ် တည်ထောင်နိုင်ခဲ့သလို ချစ်စရာကောင်းတဲ့
သားသမီး၃ဦးဖွားမြင်ခဲ့တယ်။

အလုပ်သမားနဲ့ မိသားစုရဲ့ အမြင်မှာ အာချီလီဟာ သူဌေးကောင်း၊ခင်ပွန်းကောင်းနဲ့ ဖခင်ကောင်းတစ်ဦး ဖြစ်ခဲ့တယ်။ ပြစ်မှုတစ်ခုကျူးလွန် ခဲ့ဖူးတယ်ဆိုတာကိုလည်း သူဘယ်တော့မှမမေ့ခဲ့ဘူး။ သူကျူးလွန်ခဲ့မိတဲ့ အမျိုးသမီးကို ဘုရားသခင်စောင့်ရှောက်ဖို့၊ ဘေးမသီရန်မခဖို့ သူအမြဲဆုတောင်းခဲ့ပေမဲ့ ဘယ်သူ့ကိုမှ အဲဒီလျှို့ဝှက်ချက်ကိုသူမပြောပြရဲခဲ့ဘူး။ အဲဒီနေ့မနက်က သတင်းစာထဲက သတင်းကို
ဘယ်နှစ်ကြိမ် မြောက်သူကြည့်မိခဲ့လဲ မသိဘူး။ သူဟာ သူတို့အလိုရှိနေတဲ့ တရားခံပဲဖြစ်ရမယ်လို့သူ့သိစိတ်ထဲကနေ သိလိုက်မိတယ်။
သနားစရာကောင်းတဲ့ အဲဒီအမျိုးသမီးကိုယ်ဝန်ရှိသွားမယ်လို့ သူလုံးဝ တွေးမထားမိခဲ့ဘူး။ ကလေးကိုမွေးခဲ့မယ်လို့လဲ မထင်ခဲ့မိဘူး။

ဒီရက်ပိုင်းအတွင်း ဒေါက်တာအင်ဒရေယာဆီ အာချီလီဖုန်းဆက်ချင်ခဲ့တယ်။ဒါပေမဲ့ဖုန်းနံပါတ် လှည့်ပြီးတိုင်း ဖုန်းကို သူချလိုက်မိတယ်။
သူစိတ်တွေမတင်မကျနဲ့ တကယ်လို့ ဒီကိစ္စကို သူဝန်ခံခဲ့ရင် သူ့ရဲ့ အတိတ်ဆိုးကိုလူတွေသိကုန်တော့မယ်။ သားသမီးတွေက သူ့ကို
မချစ်မနှစ်သက်တော့ဘဲ အေးချမ်း တဲ့သူ့အိမ်ထောင်ရေး ပြိုကွဲတော့မယ်။ လှပတဲ့ ဇနီးမယားတစ်ဦးနဲ့ ပတ်ဝန်းကျင်ရဲ့လေးစားမှုတွေ ဆုံးရှုံးရတော့မယ်။ ဒီလိုချမ်းအေးတဲ့ အခြေအနေတစ်ခုရောက်အောင်သူမနည်း ကြိုးစားခဲ့ရတယ် မဟုတ်လား..?

တစ်ည ညစာစားနေတဲ့အချိန်မှာ မိသားစုအားလုံးက ယခင်ပုံမှန်အတိုင်းပဲအဲဒီသတင်းကို ဆွေးနွေးနေကြတယ်။ မယားဖြစ်သူ လီနာက
“မာမိတာကိုကျွန်မအရမ်းချီးကျူးမိတယ်။ တကယ်လို့ ကျွန်မသာ သူဖြစ်ခဲ့ရင် သတ္တိရှိရှိနဲ့ကလေးကို မွေးခဲ့မှာ မဟုတ်ဘူး။ မာမိတာရဲ့ ခင်ပွန်းကို ကျွန်မ ပိုချီးကျူးမိတယ်။ သူဟာ ဒီလိုကလေးတစ်ယောက်ကို လက်ခံပေးနိုင်တဲ့လေးစားထိုက်တဲ့ လင်ယောက်ျားတစ်ဦးပါပဲ” အာချီလီက နှုတ်ဆိတ်ပြီး မယားရဲ့စကားကို နားထောင်နေခဲ့တယ်။

ရုတ်တရက် သူက “အဲဒီ တရားခံကို ဘယ်လိုမြင်သလဲ?” လို့ မေးလိုက်တော့ လီနာက“သူဟာ အမှားတစ်ခု လုပ်ခဲ့ပြီးပြီ။ အခုလို အချိန်မှာသူထပ်ပုန်းရှောင်နေသေးရင် အဲဒီလူကို ကျွန်မ လုံးဝခွင့် လွတ်မှာ မဟုတ်ဘူး။သူဟာ စက်ဆုပ်ဖို့ကောင်းတဲ့လူ၊ တစ်ကိုယ်
ကောင်းဆန်တဲ့လူ၊သူရဲဘောကြောင် တဲ့လူ၊ သတ္တိနည်းတဲ့လူပဲ” လို့ပြောတော့စိတ်ဆိုးမာန်ဆိုးပြောနေတဲ့ ဇနီးသည်ရဲ့စကားကို နားထောင်ပြီးအဖြစ်မှန်ကိုပြောပြဖို့ အာချီလီ တွန့်ဆုတ်နေခဲ့တယ်။

အဲဒီညက အာချီလီရဲ့ (၅)နှစ်အရွယ်သားတစ်ယောက် အိပ်ချိန်မှာ မအိပ်လို့ အာချီလီ စိတ်မထိန်းနိုင်ဘဲ ရိုက်လိုက်မိတယ်။ ကလေးက ငိုပြီး “ဖေဖေကလူဆိုးကြီး၊ ဖေဖေ့ကို မခေါ်တော့ဘူး။ သားရဲ့ ဖေဖေမလုပ်နဲ့တော့” လို့ပြောလိုက်တဲ့ စကားက အာချီလီရဲ့ ရင်ဝကို တိုက်ရိုက်ထိမှန်ခဲ့တယ်။ သားကို ပွေ့ဖက်ပြီး “ဖေဖေမှားပါတယ်။ နောက်ကို မရိုက်တော့ပါဘူး” လို့ တောင်းပန်ရင်းသူမျက်ရည်ကျနေမိ ခဲ့တယ်။

အဖေ မျက်ရည်ကျတာကို မြင်တော့ သားဖြစ်သူက အံ့သြသွားတယ်။ “ဖေဖေ့ကို သားခွင့်လွတ်ပါတယ်။ ဆရာမက ပြောတယ်။ အမှားကို ပြင်နိုင်တဲ့သူဟာလူကောင်းတဲ့” လို့ အဖေကို ပြန်ချော့မေ့နေခဲ့တယ်။ အဲဒီညတစ်ညလုံး သူ့ကိုယ်သူ ငရဲရောက်နေသလားလို့ အာချီလီ
ထင်မှတ်ခဲ့တယ်။ အတိတ်ဆိုးဆိုး မိုးသည်းညနဲ့ အမျိုးသမီးရဲ့ ပုံရိပ်တစ်ခုကို သူမြင်ယောင်နေမိတယ်။ အမျိုးသမီးရဲ့ အကူအညီမဲ့သံနဲ့ ငိုကြွေးသံကို သူကြားယောင် နေမိတယ်။ “ငါဟာလူကောင်းလား.. လူဆိုးလား ” လို့ သူ့ကိုယ်သူ မေးမိတိုင်း ဘေးမှာအိပ်စက်နေတဲ့
ဇနီးရဲ့ စည်းချက်မှန်မှန် အသက်ရှုသံကို နားထောင်ပြီး ထ,ရပ် ၀န်ခံဖို့ အင်အားတွေ ပျောက်ဆုံးခဲ့ရတယ်။

မနက်မိုးလင်းတော့ ခါတိုင်းနဲ့မတူဘဲ မျက်နှာမသာမယာဖြစ်နေတဲ့ သူ့ကို ဇနီးက သတိထားမိလိုက် တယ်။ “ဘာဖြစ်တာလဲ” ဆိုတဲ့အမေးကို “နေမကောင်းလို့ပါ” ဆိုတဲ့အဖြေနဲ့ သူကွေ့ရှောင်ခဲ့မိတယ်။ အလုပ်သမားတွေရဲ့ နွေးထွေးတဲ့ နှုတ်ဆက်မှု အောက်မှာ
သူလိပ်ပြာမလုံဖြစ်ခဲ့တယ်။ စိတ်ထဲမှာ ပြည့် ကျပ်နေတဲ့ ရှက်ရွံ့ထိတ်လန့်ခြင်းတွေက သူ့ကို ၀ါးမြိုမတတ်ပါပဲ။

အရှက်တရားနဲ့ ဖုံးဖိထားတဲ့ သူ့ဘ၀ကို လွတ်မြောက်ဖို့ အာချီလီ နှုတ်ဆိတ်မနေနိုင်တော့ဘူး။ အများသုံးဖုန်းနဲ့ ဒေါက်တာအင်ဒရေယာဆီ
သူဖုန်းဆက်ခဲ့တယ်။ အတတ်နိုင်ဆုံး အသံကို တည်ငြိမ်အောင်ထားပြီး “ကံခေတဲ့ ကလေးရဲ့ ကျန်းမာရေးကို သိချင်လို့ပါ” လို့ မေးတော့
“ကလေးရဲ့ အခြေ အနေကတော်တော်ဆိုး နေတယ်။ သူ့ဖခင်ကို သူတွေ့ခွင့်ရမှ ရနိုင်ပါ့မလား မသိတော့ဘူး” လို့ ပြန်ဖြေ လိုက်တဲ့
ဆရာဝန်ရဲ့ စကားက ရင်ထဲမှာကိန်းအောင်းနေတဲ့ ဖခင်တစ်ဦးရဲ့ မေတ္တာကို လှုပ်နိုးခဲ့တယ်။ သူဟာငါ့ရဲ့ သွေးသားပါလား..? တစ်ခါမှားခဲ့ဖူးတဲ့ အမှားကို သူထပ်မကျူးလွန်မိဖို့၊ မော်နီကာအတွက် ထရပ်ဖို့ သူဆုံးဖြတ်ချက်ချလိုက်တယ်။

ညရောက်တော့ အရဲစွန့်ပြီး ဇနီးသည်ကို အကြောင်းစုံ သူပြောပြလိုက်တယ်။ “ငါဟာ မော်နီကာရဲ့အဖေ ဖြစ်ကောင်းဖြစ်လိမ့်မယ်။ ငါသူ့ကို
ကယ်မှဖြစ်မယ်”သူ့စကားကို ကြားတော့ လီနာတုန်လှုပ်သွားခဲ့တယ်။ ၀မ်းနည်းခြင်းတွေနဲ့အတူ စိတ်ဆိုးဒေါသထွက်ပြီး “ရှင်ဟာ လူလိမ်ပဲ” အော်ပြီး ကလေးတွေနဲ့ မိဘအိမ်ကို ပြန်သွားခဲ့တယ်။ အာချီလီရဲ့ အကြောင်းစုံကို မိဘတွေကို ပြောပြလိုက်တယ်။ စစခြင်းမှာ ယောက္ခမတွေက စိတ်ဆိုးဒေါသထွက်ကြပေမဲ့ ခဏအတွင်းမှာပဲ စိတ်တွေတည်ငြိမ်သွားပြီး....“မှန်တယ်။သူပြုခဲ့တဲ့ အပြုအမှုတွေအတွက် ငါတို့သူ့ကို ဒေါသထွက်သင့်တယ်။ ဒါပေမဲ့ အဖြစ်မှန်ကိုပြောပြဖို့ သူ့အတွက် သတ္တိတွေ ဘယ်လောက်လိုခဲ့သလဲ ဆိုတာကို
ငါတို့ ပြန်တွေးကြည့်သင့်တယ်။ ဒါဟာ သူ့စိတ်ရင်းအမှန် မမှေးမှိန်သေးဘူးဆိုတာ သက်သေပြနေတာပဲ။ အမှားလုပ်ခဲ့ပြီး အမှန်ကို
ပြုပြင်တဲ့ ခင်ပွန်းတစ်ယောက်ကို သမီးအလိုရှိသလား..? ဒါမှမဟုတ် တစ်သက်လုံး အမှားကို ဖုံးကွယ်ထားတဲ့ ခင်ပွန်းတစ်ယောက်ကို အလိုရှိသလား?” မိဘစကားကို နားထောင်ပြီး လီနာ ခဏ နှုတ်ဆိတ်သွားခဲ့မိတယ်။

နောက်တစ်နေ့ မနက်အစောကြီး အိမ်ကို လီနာပြန်ခဲ့တော့ ရီဝေကြေကွဲနေတဲ့ မျက်လုံးနဲ့ အာချီလီကို တွေ့လိုက်တယ်။ ခိုင်မာတဲ့ ဆုံးဖြတ်ချက်နဲ့ အာချီလီကို “ဒေါက်တာ အင်ဒရေယာကို ရှင်သွားရှာပါ။ ကျွန်မ အဖော်လိုက်ခဲ့မယ်” ဆိုပြီး ၂၀၀၃ ခုနှစ် ဖေဖော်ဝါရီ ၃ရက်နေ့မှာ ဒေါက်တာ အင်ဒရေယာနဲ့ သူတို့ အဆက်အသွယ်ရခဲ့တယ်။ ဖေဖော်ဝါရီ ၈ ရက်နေ့ အယ်လီဇဘက်ဆေးရုံမှာ အာချီလီကို DNA စစ်ဆေးခဲ့တယ်။ ရလဒ်က မော်နီကာဟာ အာချီလီရဲ့ သွေးသားပဲဖြစ်တယ်။မုဒိန်းတရားခံ လူမည်းကြီး သတ္တိရှိရှိနဲ့ လာရောက်
ဝန်ခံတယ်ဆိုတဲ့သတင်းကိုကြားတော့ မာမိတာမျက်ရည်ကျမိတယ်။ လူမည်းအပေါ်ထားတဲ့ သူ့ရဲ့အမုန်းရန်ငြိုးဟာ ၁၀နှစ်ရှိပြီဆိုပေမဲ့ အခုလို သတ္တိရှိရှိ ထွက်ပြီးဝန်ခံလာတာကိုတော့ သူစိတ်လှုပ်ရှားမိတယ်။ ကာယကံရှင်တွေရဲ့ ကိုယ်ရေးကိုယ်တာလျှို့ဝှက်ချက်တွေ မပေါက်ကြားစေဖို့ အရာအားလုံးကို လျှို့ဝှက်တင်းကျပ်စွာ စစ်ဆေးခဲ့တယ်။ ဆေးရုံက တာဝန်ရှိသူများကလည်း ကာယကံရှင်
တွေရဲ့နာမည်အမှန်ကို သတင်းထောက်တွေဆီ မပေါက်ကြားစေဘဲ မော်နီကာရဲ့ ဖခင်ကိုရှာတွေ့ပြီဖြစ်ကြောင်းပဲ သတင်းပေးခဲ့တယ်။

ဒီသတင်းကို ဂရုစိုက် အလေးထားကြားတဲ့ လူထုတွေက ဒေါက်တာ အင်ဒရေယာကိုဖုန်းတွေ၊ စာတွေနဲ့ ဆက်သွယ်ပြီး တရားခံ လူမည်းကို သူတို့ ခွင့်လွတ်လေးစားကြောင်း သတင်းပါးစေတယ်။ “တစ်ချိန်တစ်ခါမှာ သူဟာပြစ်မှုကျူးလွန်သူ ဖြစ်ခဲ့ပေမဲ့ အခုအချိန်မှာ သူဟာ သူရဲကောင်းတစ်ဦးဖြစ်တယ်” လို့လည်း အားပေးစကားပြောကြတယ်။ ဖေဖော်ဝါရီ၁၀ရက်နေ့မှာ အာချီလီကို တွေ့ဆုံခွင့်ပေးဖို့ မာမိတာ တို့လင်မယား တောင်းဆိုခဲ့တယ်။ စစခြင်းမှာတော့ သူတို့နဲ့ မျက်နှာချင်းဆိုင်တွေ့ဖို့အာချီလီ သတ္တိမရှိခဲ့ဘူး။ ဒါပေမဲ့ မာမိတာ ရဲ့
ထပ်သလဲလဲ တောင်းဆိုမှုကို သူသဘောတူလိုက်တယ်။

ဖေဖော်ဝါရီလ ၁၈ရက်နေ့ တာဝန်ရှိသူတွေရဲ့ လျှို့ဝှက်စီစဉ်ပေးမှုနဲ့ဆေးရုံမှာ သူတို့တွေ့ခွင့်ရခဲ့ကြတယ်။ ဆံပင်ညှပ်ပြီးစ အာချီလီဟာ
မာမိတာ ကိုတွေ့တော့ လှမ်းနေတဲ့ ခြေလှမ်းတွေ ရွေ့မရအောင် လေးလံနေသလိုမျက်နှာတစ်ခုလုံး ဖြူရော်လို့နေတယ်။ မာမိတာ တို့
ဇနီးမောင်နှံ့က ရှေ့တိုးပြီး အာချီလီရဲ့ လက်ကို တင်းတင်းဆုပ်ကိုင်လိုက်တယ်။သုံးယောက်သားရဲ့ ပါးပြင်မှာ မျက်ရည်တွေက
အဆက်မပြတ် စီးဆင်းလို့နေတယ်။ အာချီလီက ဆို့နင့်တဲ့ အသံနဲ့ “ ကျေးဇူးပြုပြီး ကျွန်တော့်ကိုခွင့်လွတ်ပါဆိုတဲ့ စကားက ကျွန်တော့်ရင်ထဲမှာ ကိန်းအောင်းနေတာ ၁၀နှစ်ရှိခဲ့ပါပြီ။ ဒီနေ့မှပဲ ကျွန်တော့်နှုတ်နဲ့ တောင်းပန်ဖို့အခွင့်ရတော့တယ်“ “ ရှင်အခုလို ထွက်ပြီး ၀န်ခံလာတာကို ကျွန်မတို့ ကျေးဇူးတင်ပါတယ်။ ရှင်ရဲ့ချဉ်ဆီနဲ့ ကျွန်မသမီးလေးကို ကယ်တင်ဖို့ဘုရားသခင်က ရှင့်ကို ကောင်းချီးပေးပါစေ”

ဖေဖော်ဝါရီ ၁၉ရက်မှာ အာချီလီရဲ့ ချဉ်ဆီကို ဆရာဝန်တွေက ခွဲစိတ်စစ်ဆေးခဲ့ကြတယ်။ ကံကောင်းစွာပဲ သူ့ရဲ့ချဉ်ဆီတွေ မော်နီကာအတွက် လုံးဝသင့်တော်နေခဲ့တယ်။ ၂၀၀၃ ခုနှစ် ဖေဖော်ဝါရီ ၂၂ရက်နေ့ လူတွေ မျှော်လင့် စောင့်စားနေတဲ့အချိန်
ရောက်ရှိလို့ လာပါပြီ။ အာချီလီရဲ့ ရိုးတွင်းချဉ်ဆီတွေ မော်နီကာကိုယ်ထဲ ရွေ့ပြောင်းပေးလိုက်ကြတယ်။ အသက်အန္တရာယ်
ကနေ မော်နီကာ သီသီလေးလွတ်ခဲ့ပြီး (၁) ပတ်အတွင်းမှာ နေကောင်းကျန်းမာလာခဲ့တယ်။ မာမိတာ တို့ လင်မယား
အာချီလီကိုလုံးဝခွင့်လွတ်ပေးပြီး ဒေါက်တာ အင်ဒရေယာနဲ့ အတူ ထမင်းဖိတ်စားခဲ့တယ်။

ဒါပေမဲ့ ထမင်းစားဖိတ်တဲ့နေ့မှာ အာချီလီကိုယ်စား ဒေါက်တာ အင်ဒရေယာက စာတစ်စောင်ယူလာခဲ့တယ်။ စာထဲမှာ အားနာ ခယစွာနဲ့ “ခင်ဗျားတို့ရဲ့ တည်ငြိမ်အေးဆေးနေပြီဖြစ်တဲ့ ဘ၀ကို ကျွန်တော် မနှောင့်ယှက်ပါရစေနဲ့တော့။ မော်နီကာလည်း
ပျော်ရွှင်စွာ ခင်ဗျားတို့နဲ့ အတူရှိနေနိုင်ဖို့ ကျွန်တော် မျှော်လင့်ပါတယ်။ တကယ်လို့ အကူအညီလိုခဲ့ရင် ကျွန်တော့်ကို ပြောပါ။
အတတ်နိုင်ဆုံး ကျွန်တော် ကူညီပါ့မယ်။ တစ်ဆက်ထဲမှာပဲ မော်နီကာကိုလည်း ကျွန်တော်အရမ်း ကျေးဇူးတင်မိပါတယ်။ သူ့ကြောင့် အပြစ်တစ်ခုကို ၀န်ချဖို့ ကျွန်တော်အခွင့်ရခဲ့တယ်။ သူ့ကြောင့် ကျွန်တော်ရဲ့ လက်ကျန်ဘ၀လေး ပျော်ရွှင်ခွင့်ရခဲ့တယ်။ ဒါဟာ သူပေးတဲ့ ကျွန်တော့်အတွက် အကောင်းဆုံးလက်ဆောင်ဖြစ်တယ်” လို့ပြောခဲ့ပါတယ်.....................................။။

လူတစ်ယောက်ဟာ ကိုယ်ပြုခဲ့တဲ့ အပြုမှုကို တာဝန်ယူဖို့အတွက် သတ္တိတွေ ဘယ်လောက်လိုသလဲ? လူတိုင်းရဲ့ ရင်ထဲမှာ စံပေတံတစ်ခု ရှိပါလိမ့်မယ်။ ဒီစာကို ဖတ်ပြီး မာမိတာ တို့ လင်မယားကို အရမ်းလေးစားမိတယ်။ အဖြူတစ်ယောက်၊ အမည်းတစ်ယောက် မွေးထားတဲ့ ကလေးတွေကြောင့် လူတွေရဲ့ အထင်အမြင်လွဲမှားတဲ့ အကြည့်နဲ့ ကြည့်ခံခဲ့ရပေမဲ့ ကလေးလေးကို လူလားမြောက်အောင် သူတို့ ပြုစုခဲ့တယ်။ အာချီလီရဲ့ လုပ်ရဲခံရဲတဲ့ သတ္တိကိုလဲ ချီးကျူးမိတယ်။ လူသားတိုင်းအမှားနဲ့မကင်းနိုင်ကြပါဘူး။

မှတ်ချက် ။ စာရေးသူအားမသိပါ မေးထဲရောက်လာလို့ တင်ပေးလိုက်သည်။

ရာပြည့်မွေးနေ့ပွဲကိုစိတ်ကူးကြည့်တဲ့အခါ

အခုရက်ပိုင်း လပိုင်းဂျပန်သတင်းတွေထဲမှာ အသက်ရာကျော် ဂျပန် ဖိုးဖိုးဖွားဖွား ၂၈၁ယောက်ပျောက်ဆုံးနေတယ်ဆိုတဲ့သတင်းဟာ ရွှေမြိုင်အောင် အတွက်အထူးအဆန်းဖြစ်စေခဲ့ပါတယ် ....

လူဦးရေစာရင်းဇယားပြုရာမှာ အရမ်းကိုသေချာပါတယ်လို့သတ်မှတ်ခံရတဲ့ ဂျပန်မှာဒါမျိုးဖြစ်တယ်ဆိုတော့အံ့ဖွယ်တစ်ပါး မဟုတ်ပေဘူးလားခင်ဗျာ ..... ဒီနေ့ခေတ်မပြောနဲ့ ကမ္ဘာစစ်အတွင်းကကျဆုံးပျေက်ဆုံးခဲ့တဲ့သူတွေကိုတောင် နာမည်နဲ့တကွ လူပျောက်ရှာ ..အရိုးကောက်လုပ်နိုင်ခဲ့တာကို ကြည့်ရင်ပဲဂျပန်ရဲ့စေ့စပ်သေချာမှုအတိုင်းအတာကိုသိနိုင်ပါတယ် .....

ဒါလေးများ ..ရွှေမြိုင်အောင်ရယ် ..ကမ္ဘာစစ်တုန်းကဆိုတာ စစ်မှုထမ်းတာလေ ..စစ်သားဆိုတော့ ကိုယ်ပိုင်နံပါတ်.. နာမည် ..တိုက်ပွဲသွားတဲ့စစ်မျက်နှာပြင်တို့ကို တိုက်ဆိုင်စစ်ဆေးရင် ..အဖြေရှာလို့ရတာပေါ့ကွာလို့ပြောလာရင်လဲ......မိမိရဲ့ဆန္ဒအတိုင်းပါ ရွှေမြိုင်အောင် မည်သို့မျှမငြင်းလိုပါခင်ဗျာ .....

အဲဒီလိုပျောက်ဆုံးနေတဲ့ ဖိုးဖိုးဖွားဖွားတွေကို ဘယ်သူတွေကများဖမ်းဆီးသွားပါသလဲ ..ဘယ်သူကများ တနေရာမှာ ရာစုဟောင်းကလူများဆိုပြီး မြို့ရွာတည်ပေးနေသလား..ဒါမှမဟုတ်ပြန်ပေးဆွဲသမားတွေက ခေါ်သွားသလား ဆိုပြီး တွေးထင်စရာပါ ..... တကယ့်ဖြစ်ရပ်ကဒီလို ...

အမှန်တကယ်အသက်ရှင်လျှက်ရှိနေမယ်ဆိုရင် အသက် ၁၁၁နှစ်ရှိမှာဖြစ်ပြီး တိုကျိုမှာအသက်အကြီးဆုံးဖိုးဖိုးလို့ အမည်တွင်မဲ့Sogen Kato ရဲ့ ခန္ဓာကိုယ် အရိုးစုကိုရဲတပ်ဖွဲ့ကရှာဖွေတွေ့ပြီးနောက် ..သေဆုံးခဲ့မှုဟာ လွန်ခဲ့တဲ့ အနှစ် ၂၀ ..၃၀ လောက်ကတည်းကဖြစ်နိုင်ကြောင်းစစ်ဆေးခဲ့ပြီး မကြာမီ ..

အသက် ၁၁၃နှစ်ရှိပြီဖြစ်လို့ မြို့တော်ရဲ့အသက်အကြီးဆုံးဖွားဖွား Fusa Furuya ကိုလွန်ခဲ့တဲ့နှစ်ပေါင်း ၂၀ ကတည်းက မတွေ့ရတော့ဘူးလို့ မိသားစုဝင်တွေကပြောခဲ့ရာကစ ..

တနိုင်ငံလုံးမှာရှိတဲ့သက်ကြီးရွယ်အိုတွေကိုရှာဖွေစာရင်းပြုစုဘို့ ကမန်းကတန်းလုပ်ကြရောတဲ့ ..... ပျောက်သောသူရှာရင်တွေ့ဆိုတဲ့စကားဟာ အခုလိုကိစ္စအတွက်ချွင်းချက်ဖြစ်ပါလိမ့်မယ် ...ဒီလိုရှာတဲ့အခါကျတော့ ပျောက်နေတဲ့ ဖိုးဖိုးဖွားဖွား တွေစာရင်းကပေါ်လာရောဗျို့...

လူတွေကိုတော့မတွေ့ရတော့ဘူး ..အဲဒီထဲကတူတာတွေကိုစုကြည့်လိုက်တော့ ..

အချို့သက်ဆိုင်ရာမြို့နယ်ရုံးတွေက ဖိုးဖိုးဖွားဖွားတွေပျေက်ဆုံးနေတာကိုသိပေမဲ့ နောက်တဆင့်လုပ်စရာကိစ္စဖြစ်တဲ့ နေထိုင်ကြောင်းမှတ်ပုံတင်စာရင်းကနေဖျက်ပစ်ဘို့ မလုပ်ခဲ့ကြဘူးလို့ဆိုပါတယ် .....

အခြားတူရာအုပ်စုမှာတော့ မိသားစုဝင်တွေကရဲဌာနကို လူပျောက်ကြောင်းတိုင်ကြားခဲ့ပေမဲ့ သက်ဆိုင်ရာမြို့နယ် ရုံးတွေကိုသတင်းမပို့လို့ မြို့နယ် ရုံး တွေကမသိခဲ့ရတာတွေလဲရှိပါတယ်တဲ့ခင်ဗျ ....

နာရမြို့ကအဖြစ်အပျက်ဆိုရင် လွန်ခဲ့တဲ့နှစ်ပေါင်း ၃၀တုန်းက အမျိုးသမီးကြီး တဦးပျောက်ဆုံးခဲ့လို့ မိသားစုဝင်တွေကရဲကိုအကြောင်းကြားပါတယ်တဲ့ ...အခုနှစ်မေလက ထိုအမျိုးသမီးကြီး ဟာ အသက် ၁၀၀ ရှိပြီဖြစ်တဲ့အတွက် မြို့နယ်ရုံးကလက်ဆောင်ပေးဘို့အတွက် လိပ်စာအတိုင်းဆက်သွယ်ကြည့်တော့မှ အဲဒီဖွားဖွား ပျောက်ဆုံးနေတာကိုသိရောတဲ့ ...

အဲဒီဖွားဖွား နဲ့သက်ဆိုင်တဲ့ပင်စင်ခံစားခွင့်ငွေကိုအဲဒီဖွားဖွား ရဲ့အမည်ပေါက် ငွေစာရင်းထဲ ၁၉၇၅ ဇွန်လကနေ ၁၉၉၅ဇွန်လအထိ ထည့်ပေးခဲ့တယ်တဲ့ခင်ဗျာ..ဒီငွေတွေကိုဘယ်သူတွေထုတ်သုံးသလဲ ..ဘာကြောင့်လူပျောက်ကြောင်းမြို့နယ်ရုံးကိုအကြောင်းမကြားသလဲ ဆိုတာကို ရွှေမြိုင်အောင် အတွေးထဲမှာရေးရေးကလေးပေါ်လာခဲ့ပါတယ် ..မပြောတာပဲကောင်းတယ် ..

ဟုတ်တယ်ဟုတ် .....

ဂျပန်မှာသက်ကြီးရွယ်အိုတွေကိုစာရင်းပြုစုဘို့ Community Walfare Volunteers တွေထားရှိသတဲ့ ..အဲဒီ Volunteer တဦးစီဟာ အိမ်ထောင်စု ၄၄၀ အထိအမြင့်ဆုံးစာရင်းပြုစုရန် အစိုးရကသတ်မှတ်ပေးထားပေမဲ့ တကယ်တန်းအချို့ Volunteer အချို့မှာ အိမ်ထောင်စု ၂၀၀၀ အထိစာရင်းကို မနိုင်ဝန်ထမ်းပြီးလုပ်နေရတယ်လို့ ထုတ်ပြောလာကြပါတယ် .....

ရွှေနိုင်ငံတော်ကြီးမှာလည်း မင်္ဂလာဗျူဟာ ပရဟိတ အဖွဲ့လို Volunteer အဖွဲ့ကိုစာရင်းလာပေးထားတဲ့ အသက်ရာကျော်ဖိုးဖိုး ၁၃ဦး ဖွားဖွား ၄၄ဦး သံဃာ၂ပါး သီလရှင် ၁ပါးရှိပြီး စာရင်းမပေးပဲအသက်ရာကျော်ရှိသူတွေလဲရှိနိုင်ပါသေးတယ် ..

အဲဒီအထဲကမှ မန္တလေးတိုင်း အမရပူရမြို့နယ် ပေါက်ခြံကုန်းကျေးရွာက ကျေးရွာဘုန်းတော်ကြီးကျောင်းမှာမှီတင်းနေထိုင်တဲ့ဒေါ်မြကြည်ဟာ ၁၂၅၄ခု(၁၈၉၂ခု) သီတင်းကျွတ်လဆန်း ၁ရက်နေ့မှာမွေးဖွားတဲ့အတွက်အခုဆိုရင် အသက် ၁၁၈နှစ်ရှိနေပါပြီ .....

၁၈၉၆ ခု ဖေဖေါ်ဝါရီလ ၁၆ရက်နေ့မှာမွေးတဲ့ပြင်သစ်လူမျိုး Eugenie Blanchard ဟာ အသက် ၁၁၄နှစ်နဲ့ လက်ရှိကမ္ဘာ့အသက်အကြီးဆုံးလူသားအဖြစ်နေရာယူထားပါတယ် ဒါပေမဲ့ဖွားဖွားဒေါ်မြကြည်ဟာ Eugenie ထက် ၄နှစ်ခန့်ပိုကြီးတာမို့ ကမ္ဘာ့အသက်အကြီးဆုံးလူသားအဖြစ်သတ်မှတ်ခံရနိုင်ဖွယ်ရှိတယ်လို့သိရတော့ မြန်မာနိုင်ငံသားတယောက်ဖြစ်တဲ့ ရွှေမြိုင်အောင် ဂုဏ်ယူမိပါတယ်ခင်ဗျာ.....

ဒါ့အပြင်ဖွားဖွားဒေါ်မြကြည် မှီခိုနေထိုင်နေတဲ့ဘုန်းကြီးကျောင်းကို ကြက်ဆူဘုရင်ရဲ့လက်ပါးစေတွေဖျက်လိုဖျက်စီး မပြုစေဘို့ဘုရားမှာဆုတောင်းပေးရပြန်ပါတယ် ..

ဟုတ်တယ်လေ ရွှေနိုင်ငံတော်မှာ ကြက်ဆူဘုရင်ရဲ့လုတွေက မထင်ရင်မထင်သလို သံဃာတော်တွေကိုအတင်း သိက္ခာချ ..လူဝတ်လဲခိုင်း..ဖမ်းဆီးနှိပ်စက် တာတွေ ..ရွှေတိဂုံဘုရားပရ၀ုဏ်အတွင်းရှိတဲ့ ကျောင်းတိုက်အချို့ကသံဃာတွေကိုလဲ ၀ါတွင်းကာလထဲမှာတောင် အတင်းနေရာရွှေ့ခိုင်းလုပ်နေတာ ..

ကြက်ဆူအုပ်စုအမုန်းကြီးမုန်းတဲ့ ဒေါ်အောင်ဆန်းစုကြည်နဲ့အဖျားဆွတ်နာမည်တူတဲ့ဖွားဖွားဒေါ်မြကြည်ကိုလဲ မကြည် ..မကြည် ..မကြည် ဆိုတဲ့ နာမည်အကြောင်းပြချက်ကြောင့် ဘုန်းကြီးကျောင်းကို မနှောင့်ယှက်ဘူးလို့အာမမခံနိုင်ဘူးမဟုတ်လား .....

ကြက်ဆူအုပ်စုက သံဃာတော်တွေ ကျောင်းတိုက်တွေနဲ့ သာဿနိကအဆောက် အအုံတွေကိုလုံးဝအလစ်ပေးတာမဟုတ်ဘူး အမြဲစောင့်ကြည့်နေတာ ...၈၈၈၈ အရေးတော်ပုံတုန်းက မော်လမြိုင်မြို့ရဲ့အဓိကသပိတ်စခန်းဟာ ကျိုက်သုတ်ဘုရားပရ၀ုဏ်မှာစခန်းတည်ပါတယ် ...

ကျိုက်သုတ်ဘုရားလမ်းနဲ့အနီးဆုံးထားဝယ်တံတားလမ်းနဲ့ ဗဟိုလမ်းဆုံနေရာမှာ ဆန္ဒပြသူတွေကိုစစ်တပ်ရဲ့ တစ်ကြိမ်ထဲသောသေနတ်နဲ့ပစ်ခတ် နှိမ်နင်းမှုကြောင့် မော်လမြိုင်မြို့မှာ ဒီမိုကရေစီဘက်တော်သား ၇ဦး အသက်ပေးခဲ့ရပါတယ် ...တစ်ကြိမ်ထဲပါ ..တစ်ညနေခင်းထဲပါ ..

ထားဝယ်တံတားလမ်းပေါ်မှာရှိတဲ့အဲဒီတုန်းကဆောက်လုပ်နေဆဲ မွန်အမျိုးသားပြတိုက်အဆောက်အဦးပေါ်ကနေပစ်တာခင်ဗျ .....

ရေးလက်စနဲ့ရေးပါရစေ ..၈၈၈၈ အကြောင်းဆိုတာနဲ့ ခံစားချက်ကလေးကပိုလာလို့ ပါခင်ဗျာ ...

၈၈၈၈အရေးအခင်းဖြစ်ပွားခဲ့တာ ၂၂နှစ်ပြည့်ခဲ့ပြီ .. သံဃာတော်တွေဦးဆောင်တဲ့ ရွှေဝါရောင်တော်လှန်ရေးတောင် ၃နှစ်မြောက်နှစ်ပတ်လည်တော့မယ် ...ကိုယ့်ကိုကိုယ် ပြန်ဆန်းစစ်ကြည့်တော့ အသက်ကရာစုနှစ်ရဲ့တ၀က်နားရောက်နေခဲ့ပါရောလား ..ဘုရား ဘုရား..(တကယ်လို့များဖြစ်ခဲ့ရင်) ရွှေမြိုင်အောင်ရဲ့ အသက်ရာပြည့်မွေးနေ့လက်ဆောင်ကိုရွှေမြိုင်အောင် နေထိုင်တဲ့ ဂျပန်မြို့နယ်ရုံးက လာပေးတာကိုယူမလား ...ဒါမှမဟုတ် မွေးရပ်မြေက ဘုန်းကြီးကျောင်းတခုမှာ အသက်ရာပြည့်မွေးနေ့ကို လူသူမသိပဲအေးချမ်းစွာဖြတ်သန်းသွားမလားဆိုတာ .....


မေးနေစရာမလိုပါခင်ဗျာ..ခန္ဒာကိုယ်ရဲ့အသွေးအသားထဲမှာ အဖြေကရှိနှင့်နေပြီးသားဖြစ်ပါတယ် ...အကြောင်း ကြောင်းကြောင့် လက်ရှိမွေးရပ်မြေကနေထွက်ခွာခဲ့ရတယ် ရေကြည်ရာမြက်နုရာကိုရှာဖွေတာတော့မဟုတ်ပါ ..ရွှေမြိုင်အောင်လက်ရှိခိုလှုံနေထိုင်နေတဲ့ နိပွန် ဂျပန်နိုင်ငံတော်ကြီးကိုအထူးတကယ်ကျေးဇူးတင်ပါတယ်.....

ဂျပန် “ရားမန်း” ခေါက်ဆွဲဘယ်လိုကောင်းကောင်း မွန်ပြည်နယ်က ရေစိမ်မုန့်တီကိုသတိရမိပါတယ် ...ဂျပန် “ဆူရှီ” ဘယ်လိုအရသာရှိရှိ မော်လမြိုင်သင်္ကြန်ထမင်းကိုတမ်းတမိပါတယ် .....

၈၈၈၈ အရေးတော်ပုံနဲ့အတူ ရွှေမြိုင်အောင်ရဲ့တက္ကသိုလ်ကျောင်းသားဘ၀လဲ “ ပလုံစွပ်”ဆိုသလိုဆာရိုးနာရ ဖြစ်ခဲ့ပြီးပေမဲ့ ကိုမင်းကိုနိုင်ပြောခဲ့သလို“ကျောင်းနံရံတ၀ိုက်မှာ ဒေါင်းအလံပြန်စိုက်ရအောင် ..” ကြိုးစားနေဆဲပါ.....

ဘာသာတိုင်းအတွက် လွတ်လပ်စွာယုံကြည်ကိုးကွယ်ခွင့်တွေအပြည့်အ၀မရတော့တဲ့ ရွှေနိုင်ငံတော်ကြီးမှာ တဖြည်းဖြည်းနဲ့ ကြက်ဆူဘုရင်ရဲ့တပ်တွေ..နောက်လိုက်တွေကနှိပ်ကွပ်လို့ ဘုန်းတော်ကြီးကျောင်းတွေ မရှိတော့ရင် ပြဿနာပဲ ..

အဲဒီလိုဆိုရင် ရွှေမြိုင်အောင်ရဲ့ အသက်ရာပြည့်မွေးနေ့ကို မွေးရပ်မြေကဘုန်းတော်ကြီးကျောင်းတခုမှာ အေးချမ်းစွာဖြတ်သန်းသွားဘို့ဆိုတာ တော်တော်ခက်ခဲပါလိမ့်မယ် ..အသက်ကြီးမှ ဒုက္ခမရောက်ရအောင် အခုကတည်းက ကြက်ဆူစစ်အာဏာရှင်စံနစ် အရှည်မတည်အောင် ကြိုးစားတိုက်ဖျက်ရမယ်လေ ..ဟုတ်တယ်ဟုတ် .....

ဒီထက်ပိုတာက ..၈၈၈၈ကာလအတွင်း မော်လမြိုင်မှာ စစ်တပ်က ပစ်ခတ် ခံရပြီးသေဆုံးသွားလို့ အနီရောင်အခေါင်းနဲ့ သင်္ဂြိုလ် ခဲ့တဲ့အပြစ်မဲ့ပြည်သူ ၇ယောက်အပါအ၀င် ဒီမိုကရေစီအရေးတော်ပုံမှာ ကျဆုံး အသက်ပေးသွားကြသူ ရဟန်းရှင်လူ ကျောင်းသား များအတွက်စစ်အာဏာရှင်စံနစ် ကျဆုံးသည်အထိ .....တိုက်ဘို့တာဝန်တွေရှိနေသေးတယ်ခင်ဗျား .....

(ရွှေမြိုင်အောင်)

စက်တင်ဘာလထုတ်မိုးသောက်ကြယ်ဂျာနယ်မှကူးယူဖေါ်ပြသည်

အဟောင်းလေးထဲက အကြိက်ဆုံးသီးချင်း တစ်ပုဒ်ပေါ့။